आयपीएल (IPL 2026) पूर्वी कोलकाता नाईट रायडर्सच्या स्टार खेळाडू रिंकू सिंगबाबत (Kolkata knight riders star player Rinku Singh) मोठी बातमी समोर आली आहे. केकेआर (KKR) फ्रँचायझीने त्याच्यावर मोठी जबाबदारी सोपवली आहे. कोलकाता नाईट रायडर्सने आगामी हंगामासाठी रिंकू सिंगची संघाच्या उपकर्णधारपदी नियुक्ती केली आहे. केकेआरने ‘नाइट्स अनप्लग्ड 3.0’ (Knights Unplugged 3.0) या एका महत्त्वाच्या कार्यक्रमादरम्यान ही घोषणा केली. तसेच, KKR ने ‘X’ (ट्विटर) वरूनही रिंकू सिंगला उपकर्णधार बनवल्याचे जाहीर केले आहे.
रिंकू सिंग गेल्या काही वर्षांपासून केकेआरच्या सर्वात विश्वासार्ह खेळाडूंमध्ये सामील आहे. आपल्या स्फोटक फलंदाजीच्या आणि उत्कृष्ट क्षेत्ररक्षणाच्या जोरावर त्याने अनेक सामन्यांत संघाला विजय मिळवून दिला आहे. 28 वर्षांच्या या खेळाडूने घरगुती क्रिकेट आणि IPL मधील आपल्या कामगिरीतून नेतृत्वाचे गुणही सिद्ध केले आहेत.
केकेआरचे सीइओ वेंकी मैसूर यांनी या निर्णयावर आनंद व्यक्त करताना म्हटले आहे की, रिंकू सिंग संघाचा उपकर्णधार असेल याचा आम्हाला फ्रँचायझी म्हणून खूप आनंद आहे. रिंकू 2018 पासून केकेआरसोबत जोडलेला आहे आणि तेव्हापासून तो सतत संघाचा महत्त्वाचा भाग राहिला आहे. उपकर्णधारपदाची जबाबदारी मिळाल्यानंतर आता रिंकू सिंग कर्णधारासोबत मिळून संघाच्या रणनीतीमध्ये मोठी भूमिका बजावेल. हा निर्णय केकेआरच्या भविष्यातील योजनेचा एक भाग मानला जात आहे, जिथे तरुण आणि भरवशाच्या खेळाडूंना नेतृत्वासाठी पुढे आणले जात आहे.
आयपीएल 2026 मध्ये केकेआर पुन्हा एकदा जेतेपदासाठी प्रबळ दावेदारी सादर करेल आणि अशा परिस्थितीत रिंकू सिंगची ही नवी भूमिका संघासाठी गेमचेंजर ठरू शकते. विशेष म्हणजे रिंकू सिंग त्याच्या पहिल्या आयपीएल हंगामापासूनच केकेआर संघाचा भाग आहे. त्याने 2018 मध्ये आयपीएलमध्ये पदार्पण केले होते. आयपीएलमध्ये त्याने आतापर्यंत 1099 धावा केल्या असून, त्यामध्ये 4 अर्धशतकांचा समावेश आहे. या काळात त्याचा स्ट्राइक रेट 145 पेक्षा जास्त राहिला आहे.
Comments are closed.