रोहित शर्माच्या नावावर नोंदला वर्ल्ड रेकॉर्ड!अफरीदी यांना मागे सोडत रांचीत हिटमॅनचा सुपरहिट शो

रांचीच्या मैदानावर रोहित शर्माने वर्ल्ड रेकॉर्ड प्रस्थापित केला आहे. (Rohit Sharma has set a world record at the Ranchi ground) हिटमॅन वनडे क्रिकेटच्या इतिहासात आता सर्वाधिक षटकार मारणारा फलंदाज बनला आहे. या बाबतीत त्याने पाकिस्तानच्या शाहिद अफरीदीला मागे टाकले आहे. पहिल्या वनडेमध्ये तीन षटकार मारल्यामुळे रोहितने हा मोठा रेकॉर्ड आपल्याच नावावर केला आहे. रोहितने 51 चेंडूंचा सामना करून 57 धावांची दमदार पारी खेळली. या इनिंगदरम्यान भारताचे माजी कर्णधार यांनी 5 चौकार आणि 3 षटकार लगावले.

भारत विरुद्ध दक्षिण आफ्रिका यांच्यातील तीन सामन्यांच्या एकदिवसीय मालिकेला आज, रविवार, 30 नोव्हेंबरपासून सुरु झाला आहे. भारत विरुद्ध दक्षिण आफ्रिका एकदिवसीय मालिकेचा पहिला सामना रांची येथील जेएससीए आंतरराष्ट्रीय स्टेडियमवर खेळवला जात आहे. नियमित कर्णधार शुबमन गिल आणि उपकर्णधार श्रेयस अय्यरच्या दुखापतीमुळे, केएल राहुलकडे या मालिकेसाठी संघाची सूत्रे सोपवण्यात आली आहेत. रिषभ पंत आणि ऋतुराज गायकवाड बऱ्याच काळानंतर संघात परतले आहेत.

Comments are closed.