सध्याच्या काळात माजी फलंदाज मोहम्मद कैफ (Mohmmed kaif) खूपच स्पष्ट आणि धाडसी भूमिका मांडत आहेत अलीकडेच वनडे कर्णधार पदावरून हटवलेल्या माजी कर्णधार रोहित शर्माबद्दल (Rohit Sharma) त्याने एक कटू सत्य सांगितले, जे त्याच्या चाहत्यांसाठी खरं ठरू शकतं.
कैफच्या मते, आता रोहित शर्माच्या प्रदर्शनाचा नवीन मानक ठरवणं फारच कठीण होणार आहे. त्याने आपल्या यूट्यूब चॅनेलवर सांगितलं, याबाबत काही शंका नाही की, रोहित वनडे इतिहासातील सर्वात यशस्वी ओपनिंग फलंदाजांपैकी एक आहे. रोहितकडून सतत चांगल्या कामगिरीची अपेक्षा करणे व्यर्थ आहे. सतत चांगली कामगिरी ही गोष्ट कोहलीची खासियत आहे.
कोहली आणि रोहित दोघेही जवळपास सात महिन्यांनंतर ऑस्ट्रेलियामध्ये या महिन्यातील वनडे मालिकेत परत येणार आहेत.
माजी फलंदाज म्हणाला, लोक म्हणतात की, परत येताना कोहलीचे मूल्यांकन केले जाईल, पण माझ्या मते हे रोहितवर लागू होईल. रोहित आता कर्णधार नाही आणि गेल्या काही वर्षांपासून ज्या पद्धतीने फलंदाजी करत आहे, ती वेगळी आहे.
कैफ म्हणाला, तो सुरुवातीच्या सामन्यांमध्ये 20-30 धावा करतो, पण मोठा सामना आला की 70-80 धावांची पारी खेळतो. जिंकणारी पारी ही त्याच्या करिअरची खासियत राहिली आहे. तो सतत धावा करत नसतो.
रोहितने चॅम्पियन्स ट्रॉफीतही असाच प्रभाव टाकला होता. स्पर्धेत अनेक डावांत कमी धावा केल्या, तरीही त्याने न्यूझीलंडविरुद्धच्या फायनलमध्ये जिंकणारी 76 धावांची धावसंख्या केली आणि प्लेयर ऑफ द मॅच ठरला.
त्याने पुढे सांगितले, कोहली आणि रोहितमधला (Virat & Rohit) फरक असा आहे की, कोहली नेहमी नियमितपणे खेळतो, तर रोहित जिंकणाऱ्या डावांत उत्कृष्ट कामगिरी करतो आणि जर रोहित ऑस्ट्रेलियामध्ये अपयशी ठरला, तर निवडकर्त्यांसाठी फार मोठी समस्या निर्माण होईल.
कैफ म्हणाला, अशा परिस्थितीत लोक म्हणतील की, रोहित फॉर्ममध्ये नाही, पण जर त्याचं करिअर पाहिलं तर तो अनेक वेळा दोन-तीन सामन्यांत अपयशी ठरतो आणि नंतर पुढच्या सामन्यात जिंकणारी पारी खेळतो. चॅम्पियन्स ट्रॉफीतही त्याने सुरुवातीच्या सामन्यांत 30-40 धावा केल्या आणि नंतर फायनलमध्ये प्लेयर ऑफ द मॅच ठरला.
Comments are closed.