रशिया S-350 Vityaz ऑफर करतो.

भारताला पुरवू इच्छितो आणखी एक हवाई सुरक्षा प्रणाली

वृत्तसंस्था/ मॉस्को

रशियाने पुन्हा एकदा भारताला स्वत:च्या मध्यम पल्ल्याची हवाई सुरक्षा प्रणाली एस-350 वित्याजची ऑफर दिली आहे. ही ऑफर तंत्रज्ञान हस्तांतरणासोबत देण्यात आली आहे. म्हणजेच भारतात या प्रणालीचा काही हिस्सा निर्माण केला जाणार आहे. ही प्रणाली भारताकडील वर्तमान एस-400 ट्रायम्फ बॅटऱ्यांना सपोर्ट करणार आहे. देशाच्या एकीकृत हवाई सुरक्षा जाळ्याला आणखी मजबूत करणार आहे.

अलिकडेच झालेल्या उच्चस्तरीय चर्चेत एस-350 सोबत एस-400 रेजिमेंट्स आणि एस-500 प्रणालीवरही चर्चा झाली. परंतु रशिया सध्या एस-350 ला त्वरित उपलब्ध आणि व्यवहारिक पर्यायाच्या स्वरुपात पुढे सरकवत आहे. भारताने यापूर्वीच एस-400 च्या तीन स्क्वाड्रन्स कार्यान्वित केल्या असून आणखी दोन प्राप्त होणार आहेत. एस-350 प्रणालीला मध्यम अन् इनर लेयर संरक्षणासाठी आदर्श मानले जात आहे.

एस-350 वित्याजची वैशिष्ट्यो..

एस-350 वित्याज (निर्यात वर्जन एस-350ई) रशियाची आधुनिक मध्यम पल्ल्याची जमिनीवरून हवेत मारा करणाऱ्या क्षेपणास्त्रांची प्रणाली असून ते अल्माज-एंटेकडून निर्माण करण्यात आली आहे. ही जुन्या एस-300पीएसचे स्थान घेण्यासाठी डिझाइन करण्यात आली आहे.

मारक पल्ला : एरोडायनॅमिक टार्गेट्स (उदाहरणार्थ लढाऊ विमान)साठी 120 किलोमीटरपर्यंत, बॅलेस्टिक क्षेपणास्त्रांसाठी 25-30 किलोमीटरपर्यंत.

उंची : 20-30 किलोमीटरच्या उंचीपर्यंत इंटरसेप्ट करू शकते.

क्षेपणास्त्रs : मुख्यत्वे 9एम96ई आणि 9एम96ई2 (अॅक्टिव्ह रडार गायडेड), सोबत शॉर्ट रेंज 9एम100, एका लाँचरमध्ये 12 क्षेपणास्त्रs लोड असतात.

लक्ष्य भेदण्याची क्षमता : एकावेळी 16 लक्ष्ये (विमाने, हेलिकॉप्टर) किंवा 12 बॅलेस्टिक क्षेपणास्त्रांना ट्रॅक करत त्यांना नष्ट करू शकते.

रडार : मल्टीफंक्शनल एईएसए रडार जो कमी उंचीवरील लक्ष्यांनाही टिपू शकतो.

अन्य वैशिष्ट्यो : लवकर तैनात करता येते. क्रूज क्षेपणास्त्रs, ड्रोन, प्रिसिजन गायडेड बॉम्ब आणि स्टील्थ टार्गेट्सना रोखण्यास सक्षम. ही एस-400 सोबत लेयर्ड डिफेन्स तयार करते. ही प्रणाली रशियाच्या लेयर्ड एअर डिफेन्स व्यूहनीतिचा हिस्सा आहे.