सॅमसंगचा ग्राहकांना झटका! हे दोन स्मार्टफोन झाले महाग, आता जास्त पैसे मोजावे लागतील

स्मार्टफोन किंमत वाढ: सॅमसंगने आपल्या दोन स्मार्टफोनच्या किमतीत वाढ केली आहे. ज्यामध्ये Samsung Galaxy M47 आणि Samsung Galaxy F70 Pro यांचा समावेश आहे. या स्मार्टफोनच्या व्हेरिएंटच्या किमतीत 2 हजार रुपयांनी वाढ करण्यात आली आहे. गेल्या वर्षी बजेट सेगमेंटमध्ये लॉन्च करण्यात आलेले हे स्मार्टफोन्स खरेदी करण्यासाठी ग्राहकांना आता जास्तीचे पैसे मोजावे लागणार आहेत. सॅमसंगने यापूर्वीही आपल्या काही स्मार्टफोन्सच्या किमती वाढवल्या आहेत. 2,000 रुपयांच्या वाढीनंतर, Samsung Galaxy M47 आणि Samsung Galaxy F70 Pro चे RAM आणि स्टोरेज वेरिएंट खरेदी करण्यासाठी किती खर्च येईल ते पाहूया. (छायाचित्र सौजन्यः सॅमसंग)

स्मार्टफोनच्या किमती 2 हजार रुपयांनी वाढल्या

सॅमसंगने आपल्या Galaxy M आणि Galaxy F सीरीज या दोन्ही स्मार्टफोनच्या किंमती 2 हजार रुपयांनी वाढवल्या आहेत. आता Samsung Galaxy M47 आणि Samsung Galaxy F70 Pro ची सुरुवातीची किंमत 37,999 रुपये झाली आहे. यापूर्वी हे दोन्ही स्मार्टफोन्स 35,999 रुपयांच्या सुरुवातीच्या किमतीत उपलब्ध होते. मात्र आता किंमत वाढल्यानंतर हे स्मार्टफोन खरेदी करण्यासाठी ग्राहकांना अतिरिक्त पैसे मोजावे लागणार आहेत. चला जाणून घेऊया दोन्ही स्मार्टफोन्सच्या नवीन किमती.

सॅमसंग गॅलेक्सी M47

Samsung Galaxy M47 6GB+128GB, 8GB+128GB आणि 8GB+256GB रॅम आणि स्टोरेज प्रकारांमध्ये उपलब्ध आहे. 6GB + 128GB व्हेरिएंटची किंमत आता 37,999 रुपये आहे. पण याआधी हा प्रकार 35,999 रुपये किमतीत खरेदीसाठी उपलब्ध होता. 8GB + 128GB व्हेरिएंटची किंमत आता 41,999 रुपये आहे. पण याआधी हा प्रकार 39,999 रुपयांना खरेदीसाठी उपलब्ध होता. 8GB + 256GB व्हेरिएंटची किंमत आता 46,999 रुपये असेल. यापूर्वी या वेरिएंटची किंमत 44,999 रुपये होती.

Samsung Galaxy F70 Pro

Samsung Galaxy F70 Pro तीन रॅम आणि 6GB+ 128GB, 8GB + 128GB आणि 8GB + 256GB स्टोरेज व्हेरियंटमध्ये देखील उपलब्ध आहे. 6GB + 128GB व्हेरिएंटची किंमत आता 37,999 रुपये आहे. पण आधी हा प्रकार 35,999 रुपयांना उपलब्ध होता. 8GB + 128GB व्हेरिएंटची किंमत आता 41,999 रुपये आहे. पण आधी हा प्रकार 39,999 रुपयांना उपलब्ध होता. 8GB + 256GB व्हेरिएंटची किंमत आता 46,999 रुपये आहे. पण आधी या वेरिएंटची किंमत 44,999 रुपये होती.

स्मार्टफोन वैशिष्ट्ये

Samsung ने लॉन्च केलेल्या दोन्ही स्मार्टफोन्समध्ये 6.7 इंचाचा FHD+ AMOLED डिस्प्ले आहे. फोनचा डिस्प्ले 120Hz रिफ्रेश रेटला सपोर्ट करतो. या दोन्ही फोनच्या डिस्प्लेच्या संरक्षणासाठी 'कॉर्निंग गोरिल्ला व्हिक्टस+' देण्यात आला आहे. फोन Qualcomm Snapdragon 6 Gen 3 चिपसेटद्वारे समर्थित आहे. या दोन्ही फोनमध्ये 8GB रॅम आणि 256GB पर्यंत स्टोरेज सपोर्ट मिळेल.

दोन्ही स्मार्टफोनमध्ये 6000mAh बॅटरी आहे. चार्जिंगसाठी, याला 25W वायर्ड फास्ट चार्जिंग सपोर्ट मिळेल. फोनच्या मागील बाजूस ट्रिपल कॅमेरा सेटअप मिळेल. यात 50MP मुख्य OIS कॅमेरा आहे. याशिवाय, यात 8MP अल्ट्रा वाईड आणि 2MP मॅक्रो कॅमेरा मिळेल. या फोनमध्ये सेल्फी आणि व्हिडिओ कॉलिंगसाठी 12MP कॅमेरा मिळेल. ते Android 15 वर आधारित One UI वर चालतात.