मिंध्यांचे पालनपोषणही ‘मातोश्री’च्या पाळणाघरातच झालंय, बाळासाहेबांच्या वक्तव्याची खिल्ली उडवणाऱ्यांचा संजय राऊतांनी घेतला समाचार

काल मिंधे गटातील पोपट म्हणाला, हे पाळणाघर आहे का? हिंदुहृदयसम्राट शिवसेनाप्रमुख बाळासाहेब ठाकरे यांच्या वक्तव्याची खिल्ली उडवण्याचे काम मिंधे गटाने केले आणि हे बाळासाहेबांचे विचार घेऊन पुढे चाललेत. बाळासाहेबांनी वृद्धाश्रमही काढले आणि पाळणाघरही काढले. याच पाळणाघरातून मिंधे तिकडे गेले. त्यांचे पालनपोषण याच मातोश्रीच्या पाळणाघरात झाले. नाही तर तुम्हाला कुणी विचारले असते, कुपोषणाने मेले असतात, असा जोरदार हल्लाबोल शिवसेना (उद्धव बाळासाहेब ठाकरे) नेते, खासदार संजय राऊत यांनी केला.

मुंबईत माध्यमांशी बोलताना संजय राऊत म्हणाले की, मनोहर जोशी यांच्या नेतृत्वाखाली शिवसेनेचे पहिल्यांदा सरकार आले तेव्हा मातोश्री वृद्धाश्रम योजना काढली. शिवसेनाप्रमुख आणि मासाहेबांनी मातोश्री वृद्धाश्रम फार चांगल्या प्रकारे चालवला. तेव्हा पाळणाघर, वृद्धाश्रम ही मानवतेची कामं आहेत. हे मिंध्यांना कधीच जमणार नाही. तुम्ही ठेकेदारांची पाळणाघर केलेले आहे.