T20 World Cup 2026: संजू सॅमसनला संधी, ईशान किशन बाहेर! अशी असू शकते टीम इंडियाची प्लेइंग इलेवन

टी-20 विश्वचषक 2026 साठी भारतीय संघाची घोषणा करण्यात आली आहे. या संघात ईशान किशनचे दोन वर्षांनंतर पुनरागमन झाले आहे. ईशान किशनने भारतासाठी आपला शेवटचा सामना 2023 मध्ये खेळला होता, मात्र आता त्याला टी-20 विश्वचषक 2026 मध्ये संधी मिळाली आहे.

भारतीय संघ टी-20 विश्वचषकातील आपल्या मोहिमेची सुरुवात 7 फेब्रुवारीपासून करणार असून, पहिल्या सामन्यात भारताचा सामना अमेरिकेशी होईल. या सामन्यासाठी भारतीय संघाची संभाव्य ‘प्लेइंग इलेव्हन’ पुढील प्रमाणे असू शकते.

पहिल्या सामन्यात भारतीय संघाची सलामी जोडी म्हणून संजू सॅमसन आणि अभिषेक शर्मा यांना संधी मिळू शकते, तर ईशान किशनला ‘प्लेइंग 11’ मधून बाहेर ठेवले जाऊ शकते. संजू सॅमसन भारतासाठी टी-20 मध्ये सातत्याने धावा करत आहे, तर दुसरीकडे अभिषेक शर्माने सन 2025 मध्ये 1600 पेक्षा जास्त धावा केल्या आहेत. अशा परिस्थितीत, ही जोडी विश्वचषकात भारतासाठी महत्त्वाची भूमिका बजावू शकते.

पहिल्या सामन्यात भारतीय संघाची सलामी जोडी म्हणून संजू सॅमसन आणि अभिषेक शर्मा यांना संधी मिळू शकते, तर ईशान किशनला ‘प्लेइंग 11’ मधून बाहेर ठेवले जाऊ शकते. संजू सॅमसन भारतासाठी टी-20 मध्ये सातत्याने धावा करत आहे, तर दुसरीकडे अभिषेक शर्माने सन 2025 मध्ये 1600 पेक्षा जास्त धावा केल्या आहेत. अशा परिस्थितीत, ही जोडी विश्वचषकात भारतासाठी महत्त्वाची भूमिका बजावू शकते.

तिसऱ्या क्रमांकावर कर्णधार सूर्यकुमार यादव जबाबदारी सांभाळू शकतो. मात्र, सूर्याचा 2025 मधील फॉर्म फारसा समाधानकारक राहिलेला नाही. याशिवाय, चौथ्या क्रमांकावर तिलक वर्मा मोर्चा सांभाळताना दिसू शकतो. तिलकने आशिया चषक 2025 आणि दक्षिण आफ्रिकेविरुद्धच्या 5 सामन्यांच्या टी20 मालिकेत अप्रतिम कामगिरी केली आहे. दुसरीकडे, लोअर मिडिल ऑर्डरमध्ये हार्दिक पांड्या, शिवम दुबे आणि अक्षर पटेल मैदानात उतरताना दिसू शकतात.

स्पिन गोलंदाजी विभागाची जबाबदारी अक्षर पटेल, वरुण चक्रवर्ती आणि कुलदीप यादव सांभाळू शकतात. तर वेगवान गोलंदाजी विभागाची धुरा अर्शदीप सिंग, जसप्रीत बुमराह आणि शिवम दुबे यांच्या खांद्यावर असू शकते.