आधी नाकारलं, पण नंतर सरफराज खानला चेन्नईने स्वस्तात उचललं; संधी मिळताच भावूक पोस्ट, व्हिडीओने थ
Sarfaraz Khan IPL 2026 Auction : भारतीय फलंदाज सरफराज खान (Sarfaraz Khan) याने मंगळवारी झालेल्या आयपीएल 2026 मिनी-ऑक्शनमध्ये चेन्नई सुपर किंग्स (CSK) कडून निवड झाल्यानंतर प्रतिक्रिया दिली आहे. पाच वेळा विजेता ठरलेल्या सीएसकेने सरफराजला त्याच्या 75 लाख रुपयांच्या बेस प्राइसवर संघात सामील करून घेतले. देशांतर्गत क्रिकेटमध्ये त्याच्या सातत्यपूर्ण आणि स्फोटक कामगिरीचं हे मोठं बक्षीस मानलं जात आहे. ऑक्शनच्या काही तास आधीच सरफराजने सय्यद मुश्ताक अली ट्रॉफीतील एका सामन्यात अवघ्या 22 चेंडूत 73 धावांची खेळी खेळली होती. सुरुवातीच्या फेऱ्यात अनसोल्ड राहिल्यानंतर अखेर सीएसकेने त्याला आपली सहावी पसंती म्हणून संघात घेतलं.
सरफराजची भावूक पोस्ट
सरफराजने शेवटचा आयपीएल सामना 2023 मध्ये दिल्ली कॅपिटल्सकडून सनराइजर्स हैदराबादविरुद्ध खेळला होता. यंदाच्या सय्यद मुश्ताक अली ट्रॉफीमध्ये त्याने आतापर्यंत 6 डावांत 256 धावा, 64.00 ची सरासरी आणि 182.85 चा स्ट्राइक रेट राखत जबरदस्त प्रभाव पाडला आहे. सीएसकेकडून निवड झाल्यानंतर सरफराजने इंस्टाग्रामवर एक भावनिक पोस्ट शेअर करत लिहिलं, “खूप-खूप धन्यवाद सीएसके, माझ्या करिअरला नवी जिंदगी दिल्याबद्दल.” त्याने शेअर केलेल्या व्हिडिओमध्ये त्याचा आनंद आणि भावना स्पष्टपणे दिसून येतात.
IPL 2026 च्या लिलावात चेन्नई सुपर किंग्जला ₹75 लाखात विकल्यानंतर सरफराज खानची भावनिक इंस्टाग्राम कथा.🥹❤️
यावरून असे दिसून येते की जर तुम्ही कठोर परिश्रम केले तर तुम्हाला त्याचे फळ नक्कीच मिळेल. मेहनत करणाऱ्यांना देव कधीच निराश करत नाही. pic.twitter.com/X3Z81AmB0g
— क्रिकेटचा उल्लेख करा (@MentionCricket) १६ डिसेंबर २०२५
अनकॅप्ड खेळाडूंचा धमाका
दरम्यान, अनकॅप्ड खेळाडू कार्तिक शर्मा आणि प्रशांत वीर यांनीही इतिहास रचला आहे. सीएसकेने या दोघांना 14.20 कोटी रुपयांना विकत घेतलं असून, ते आता आयपीएल इतिहासातील सर्वात महागडे अनकॅप्ड खेळाडू ठरले आहेत. याशिवाय, सीएसकेने वेस्टइंडीजचा अष्टपैलू अकील होसिन यालाही 2 कोटी रुपयांच्या बेस प्राइसवर संघात सामील करून घेतलं आहे.
सीएसकेने या मिनी-ऑक्शनमध्ये सरफराज खान, मॅट हेन्री आणि राहुल चाहर यांनाही आपल्या ताफ्यात घेतलं आहे. त्याआधी, सर्वात चर्चेच्या ट्रेडमध्ये सीएसकेने विकेटकीपर फलंदाज संजू सॅमसनला 18 कोटी रुपयांना संघात सामील केलं. मात्र, सीएसकेने रविंद्र जडेजा आणि सॅम करन या दिग्गज अष्टपैलूंना रिलीज केलं असून, हे दोघे आता राजस्थान रॉयल्स (RR) कडून खेळणार आहेत. तसेच, मथीशा पथिरानालाही रिलीज केल्यामुळे सीएसकेच्या पर्समध्ये 13 कोटी रुपयांची जागा मोकळी झाली आहे.
आयपीएल 2026 च्या लिलावात चेन्नई सुपर किंग्सने खरेदी केलेल्या खेळाडूंची यादी- (CSK IPL 2026 Auction)
प्रशांत वीर – 14.20 कोटी रुपये
कार्तिक शर्मा – 14.20 कोटी रुपये
मॅथ्यू शॉर्ट – 1.5 कोटी रुपये
अमन खान – 40 लाख रुपये
झॅक फॉक्स – रु 75 लाख
सरफराज खान – 75 लाख रुपये
राहुल चहर – 5.20 कोटी रुपये
मॅट हेन्री -2 कोटी रुपये
अकील होसेन -2 कोटी रुपये
चेन्नई सुपर किंग्ज पूर्ण संघ – (IPL 2026 CSK पूर्ण संघ)
ऋतुराज गायकवाड, आयुष म्हात्रे, एमएस धोनी, संजू सॅमसन, देवाल्ड ब्रेविस, उर्व्हल पटेल, शिवम दुबे, शिवम दुबे, जामी ओव्हर अलु, मुंथ आहमा, मुंका, रम्बू, मुरका, मुरका, मुरका, रबुकाश गो, मुरका, रब्बाला कपना चौती, राश्मा, राश्मा, राश्मा रश्मादा स्कोशुश गो, मुरवाजपाला, रश्तुल एकेओ कार्तिक शर्मा, मॅथ्युट, अमन खान, सरफराज खान, सरफराज खान, मॅट हेन्री, राहुल चहर, जॅक फॉल्क्स.
हे ही वाचा –
आणखी वाचा
Comments are closed.