दुबई. ओमानच्या किनाऱ्याजवळील होर्मुझच्या सामुद्रधुनीतून जाणाऱ्या एका व्यावसायिक जहाजाला लक्ष्य करण्यात आले आहे. एमटी ऑन पीस या पनामाचा ध्वज असलेल्या जहाजावर झालेल्या हल्ल्यात ११ भारतीय क्रू मेंबर्स जखमी झाले आहेत. या घटनेची माहिती देताना परराष्ट्र मंत्रालयाने या हल्ल्याचा तीव्र निषेध केला आहे.
परराष्ट्र मंत्रालयाच्या म्हणण्यानुसार, एमटी ऑन पीस होर्मुझच्या सामुद्रधुनीतून जात असताना ही घटना घडली. होर्मुझचा सागरी भाग आंतरराष्ट्रीय व्यापारासाठी अत्यंत महत्त्वाचा मानला जातो आणि येथे जहाजांच्या हालचालींबाबत यापूर्वीही सुरक्षेबाबत चिंता व्यक्त करण्यात आली होती. या हल्ल्यात जहाजावरील 11 भारतीय क्रू मेंबर्स जखमी झाले. या घटनेनंतर त्यांच्या सुरक्षेसाठी तातडीने पावले उचलण्यात आली.
परराष्ट्र मंत्रालयाने सांगितले की, ओमानी अधिकाऱ्यांच्या मदतीने जखमी भारतीय क्रू सदस्यांना जहाजातून सुरक्षितपणे बाहेर काढण्यात आले आहे. या जहाजावरील हल्ल्याचा भारताने तीव्र निषेध केला आहे. मंत्रालयाने या घटनेवर चिंता व्यक्त केली असून भारतीय नागरिकांच्या सुरक्षेला प्राधान्य असल्याचे म्हटले आहे.
एमटी ऑन पीस हे जहाज ज्यावर हल्ला करण्यात आला होता, ते पनामाच्या ध्वजाखाली कार्यरत असलेले व्यावसायिक जहाज आहे. होर्मुझच्या सामुद्रधुनीच्या आसपासच्या समुद्राच्या परिसरातून जात असताना ही घटना घडली. या हल्ल्यामागे कोणाचा हात आहे याची माहिती सध्या तरी समोर आलेली नाही. या घटनेनंतर सागरी सुरक्षेची चिंता पुन्हा एकदा वाढली आहे.
Comments are closed.