नाशिकरोड येथील दुर्गा गार्डन भागात एका कार्यक्रमासाठी कृषीमंत्री माणिकराव कोकाटे आले होते. हे कळताच संतप्त शिवसैनिक तेथे पोहोचले. कृषीमंत्री कोकाटे यांचा धिक्कार असो, माणिकराव कोकाटे राजीनामा द्या, अशा घोषणा देत शिवसैनिकांनी कोकाटे यांच्या अंगावर पत्ते फेकले.
या आंदोलनाने पोलीस व अजित पवार गटाच्या कार्यकर्त्यांची पळापळ झाली. शेतीपिकाचे मोठे नुकसान झाले असतानाही मंत्री मतदारसंघात फिरकले नाही, ते रमी खेळण्यात रमले असल्याने त्यांना पत्ते दिले, असे या वेळी शिवसेना उपजिल्हाप्रमुख अस्लम (भैया) मणियार यांनी सांगितले. त्यांच्यासह योगेश देशमुख, नीलेश शिरसाट यांना पोलिसांनी ताब्यात घेऊन नंतर सोडून दिले.
Comments are closed.