शिवसेना पक्षप्रमुख उद्धव ठाकरे यांच्या वाढदिवसानिमित्त शिवसेना दिंडोशी विधानसभा क्षेत्रा अंतर्गत आयोजित केलेल्या सार्वजनिक व घरगुती गणेश सजावट स्पर्धा 2024चा पारितोषिक वितरण समारंभ पारेखनगर सभागृहात उत्साहात संपन्न झाला. यात नागरी निवारा महासंघाने प्रथम क्रमांक पटकावला. वायशेत पाडा गणेशोत्सव मंडळाने दुसरा तर जय संतोषी माता गृहनिर्माण संस्थेने तिसरा क्रमांक पटकावला.
शिवसेना नेते, विभागप्रमुख-आमदार सुनील प्रभू यांच्या मार्गदर्शनाखाली आयोजित या स्पर्धांमध्ये 100 सार्वजनिक गणेशोत्सव मंडळे व 70 घरगुती गणेश मंडळांनी उत्स्फूर्त सहभाग नोंदवला होता. विजेत्यांना आमदार सुनील प्रभू, शिवसेना उपनेते अमोल कीर्तीकर आणि विभागसंघटक शालिनी सावंत यांच्या हस्ते रोख पारितोषिके व स्मृतिचिन्हे देऊन गौरविण्यात आले. घरगुती गणेश सजावट स्पर्धेत प्रथम, द्वितीय आणि तृतीय क्रमांकाचे प्रत्येकी आठ स्पर्धक याप्रमाणे 24 विजेत्या स्पर्धकांची नावे लवकरच जाहीर करण्यात येणार आहेत. याशिवाय 24 स्पर्धकांना उत्तेजनार्थ पारितोषिकाने गौरविण्यात येणार आहे.
या वेळी विभागसंघटक प्रशांत कदम, विधानसभा समन्वयक रिना सुर्वे, आशा केणी, वैभवी पाटील, माजी उपमहापौर सुहास वाडकर, माजी नगरसेवक तुळशीराम शिंदे, उपविभागप्रमुख गणपत वारिसे, भाई परब, प्रदीप निकम, सुनील गुजर, ऋचिता आरोस्कर, सानिका शिरगावकर, वृंदा पालेकर, विद्या गावडे आदी उपस्थित होते.
Comments are closed.