हातात शॉटगन, ट्रम्प यांच्या रिसॉर्टवर बंदुकधारींचा अचानक हल्ला! सुरक्षा रक्षकांनी गोळ्या झाडल्या

अमेरिकेतील फ्लोरिडा येथील राष्ट्राध्यक्ष डोनाल्ड ट्रम्प यांच्या रिसॉर्टमध्ये एका घुसखोराला सुरक्षा रक्षकांनी गोळ्या घातल्या. त्याच्यासोबत बंदुक होती. एका गुप्त सेवा प्रवक्त्याने सांगितले की त्या व्यक्तीने पाम बीचमधील मार-ए-लागो रिसॉर्टमध्ये परवानगीशिवाय प्रवेश करण्याचा प्रयत्न केला. सुरक्षा रक्षकांनी त्याला थांबवण्याचा प्रयत्न केला मात्र तो थांबला नाही. जबरदस्तीने सुरक्षा रक्षकांनी अखेर त्याच्यावर गोळीबार केला. त्यातच अनोळखी व्यक्तीचा मृत्यू झाला.

या घटनेची माहिती रविवारी यूएस सीक्रेट सर्व्हिसने दिली. घटनेच्या वेळी अमेरिकेचे राष्ट्राध्यक्ष रिसॉर्टमध्ये नव्हते. ते आणि त्यांची पत्नी मेलानिया ट्रम्प सध्या व्हाईट हाऊसमध्ये आहेत. सीक्रेट सर्व्हिसच्या म्हणण्यानुसार, घुसखोर उत्तरेकडील गेटमधून रिसॉर्टमध्ये प्रवेश करण्याचा प्रयत्न करत होता. त्यावेळी त्याला पहिल्यांदा अडवण्यात आले. नंतर गुप्त सेवा एजंट आणि पाम बीच काउंटी शेरीफच्या डेप्युटीने त्याला गोळी मारली जेव्हा त्याने आत जाण्याचा प्रयत्न केला.

यापूर्वीही ट्रम्प यांच्यावर हल्ला करण्याचे प्रयत्न झाले आहेत. सीक्रेट सर्व्हिसच्या म्हणण्यानुसार, १३ जुलै २०२४ रोजी पेनसिल्व्हेनियामध्ये निवडणुकीचा प्रचार करत असताना अमेरिकन राष्ट्राध्यक्षांवर हल्ला झाला होता. कथितरित्या, त्या दिवशी ट्रम्प यांना मारण्याचा प्रयत्न झाला होता. या घटनेत ते जखमीही झाले. त्यानंतर, त्याच वर्षी 15 सप्टेंबर रोजी एक बंदूकधारी रायफल घेऊन ट्रम्प यांच्या वेस्ट पाम बीच गोल्फ कोर्समध्ये घुसला. ट्रम्प त्यावेळी गोल्फ खेळत होते. या महिन्याच्या सुरुवातीला अमेरिकन कोर्टाने बंदूकधाऱ्याला जन्मठेपेची शिक्षा सुनावली होती.