सिडनी वनडे सामन्यात हर्षित राणाच्या गोलंदाजीवर अलेक्स कॅरीचा कॅच घेताना टीम इंडियाचा नवीन वनडे उपकर्णधार श्रेयस अय्य्यर जखमी झाला. त्यानंतर तो त्या सामन्यात खेळू शकला नाही. सोमवारी त्याची परिस्थिती अधिक गंभीर झाली, ज्यामुळे तो सध्या सिडनीतील एका रुग्णालयाच्या आयसीयू विभागात दाखल आहे. अय्यरला मैदानावर परत येण्यासाठी थोडा वेळ लागेल. अशा परिस्थितीत भारतीय टीम मॅनेजमेंटला त्याच्या जागी दुसऱ्या खेळाडूचा शोध सुरू करावा लागेल. त्यासाठी सध्या तीन नावे प्रमुख आहेत.
विकेटकीपर-फलंदाज रिषभ पंतही जखमी असल्यामुळे ऑस्ट्रेलियाविरुद्धच्या मालिकेत निवडला गेला न्हवता. आता तो फिट आहे, त्यामुळे त्याची वनडे टीममध्ये परत येण्याची शक्यता जवळजवळ निश्चित दिसत आहे. दक्षिण आफ्रिका विरुद्धच्या वनडे मालिकेत पंतला संधी मिळू शकते. अशा परिस्थितीत प्लेइंग 11 मध्ये पंत श्रेयस अय्यरची जागा घेतल्याचे दिसू शकतात. पंत दीर्घ कालावीनंतर 30 नोव्हेंबरला वनडे फॉरमॅटमध्ये खेळताना दिसू शकतो.
जलद गोलंदाजी करणार ऑलराउंडर शिवम दुबे टी20 फॉरमॅटमध्ये उत्कृष्ट प्रदर्शन करत आहे. यामुळेच आता तो वनडे टीममध्ये परत येण्याचा दावा करत आहे. दुबेने आशिया कप 2025 मध्ये गोलंदाजी आणि फलंदाजी दोन्हीत कमाल केली होती. त्यानंतर तो घरेलू क्रिकेटमध्येही आपली छाप सोडत आहे. अशा परिस्थितीत श्रेयस अय्यरच्या जागी शिवम दुबेला वनडे टीममध्ये संधी मिळू शकते. दुबेच्या पावर हिटिंगकडे पाहता, तो संघात नंबर 4 वर फलंदाज म्हणून खेळू शकतो. अय्यरप्रमाणे तोदेखील फिरकी गोलंदाजांविरुद्ध सहज मोठे शॉट्स खेळू शकतो.
दिग्गज स्पिन ऑलराउंडर रवींद्र जडेजा सध्या वनडे टीममध्ये नाही. कसोटी क्रिकेटमध्ये फलंदाज म्हणून जडेजा सध्या ज्या प्रकारे खेळत आहे, त्यानुसार तो सहजपणे नंबर 4 वर वनडेमध्येही फलंदाजी करू शकतो. नंबर 4 वर भारतीय संघाला असे खेळाडू लागतात जे वेगाने खेळण्यासोबतच परिस्थितीनुसार पारीही सांभाळू शकतात. अशा परिस्थितीत जडेजाला या क्रमांकावर खेळण्याची संधी मिळू शकते. जडेजा फक्त फलंदाजीच नव्हे तर गोलंदाजीच्या माध्यमातूनही कर्णधार शुबमन गिलसाठी एक महत्त्वाचा पर्याय ठरेल.
Comments are closed.