शुबमन गिल पूर्णपणे फिट, ‘या’ तारखेला करणार धमाकेदार पुनरागमन!

दक्षिण आफ्रिकेच्या भारत दौऱ्यादरम्यान शुबमन गिल जखमी झाला होता. पहिल्या कसोटी सामन्यात त्याला मानेमध्ये वेदना जाणवल्या आणि त्याला मालिकेतून बाहेर पडावे लागले. एकदिवसीय (वनडे) मालिकेसाठीही त्याची निवड झाली नाही आणि केएल राहुल याने संघाची कमान सांभाळली. आता शुबमन गिल दुखापतीतून पूर्णपणे ठीक झाला आहे आणि लवकरच त्याचे टीम इंडियाच्या जर्सीत पुनरागमन होणार आहे. तो (9 डिसेंबर) रोजी दक्षिण आफ्रिकेविरुद्धच्या पहिल्या टी20 सामन्यात खेळताना दिसू शकतो.

शुबमन गिल याला मानेत खूप वेदना जाणवत होत्या आणि याच कारणामुळे तो फलंदाजी करू शकत नव्हता. डॉक्टरांनीही त्याला विमानातून (फ्लाइटमधून) प्रवास न करण्याचा सल्ला दिला होता. त्याने मुंबईमध्ये आपल्या दुखापतीची तपासणी करून घेतली होती.
काही दिवसांपूर्वीच शुबमन गिल त्याच्या रिकव्हरीसाठी बंगळूरू येथील बीसीसीआयच्या सेंटर ऑफ एक्सलन्समध्ये (BCCI’s Centre of Excellence) गेला होता. तो टी20 मालिकेपूर्वी तंदुरुस्त होईल, अशी अपेक्षा होती. याच कारणामुळे, त्याला दक्षिण आफ्रिकेविरुद्धच्या टी२० मालिकेसाठी टीम इंडियाच्या संघात स्थान मिळाले होते. आता बातमी येत आहे की गिल पूर्णपणे तंदुरुस्त झाला आहे आणि मैदानात पुनरागमन करण्यासाठी सज्ज आहे.

शुबमन गिल आता खेळण्यासाठी क्लिअर झालेला आहे. अशा परिस्थितीत त्याला मैदानापासून दूर ठेवण्यात काही अर्थ नाही. (9 डिसेंबर) रोजी कटक येथे पहिला टी20 सामना होणार आहे आणि शुबमन गिल या सामन्यात सहभागी होऊ शकतो. तो अभिषेक शर्मा याच्यासोबत टी20 आंतरराष्ट्रीय सामन्यांमध्ये सलामी करतात. आता दक्षिण आफ्रिकेविरुद्धच्या पहिल्या टी20 मध्ये पुनरागमन करून तो विक्रमी धावा करू शकतो आणि टीम इंडियाला विजय मिळवून देऊ शकतो.