शुबमन गिलचा वनडे, टेस्ट आणि टी20 मधला विक्रम, सर्व आकडेवारी वाचा एका क्लिकमध्ये

भारतीय क्रिकेटमध्ये जेव्हा नव्या ताऱ्यांची चर्चा होते, तेव्हा शुबमन गिलचे नाव सर्वात आधी घेतले जाते. 8 सप्टेंबर 1999 रोजी पंजाबमध्ये जन्मलेल्या गिलने आपल्या कठोर मेहनतीच्या जोरावर आणि जबरदस्त फलंदाजीच्या बळावर खूप कमी वयात आंतरराष्ट्रीय क्रिकेटमध्ये आपली ओळख निर्माण केली आहे. उजव्या हाताचा टॉप ऑर्डर फलंदाज शुभमन गिल सध्या देशांतर्गत क्रिकेटमध्ये पंजाबकडून आणि इंडियन प्रीमियर लीग (IPL) मध्ये गुजरात टायटन्सकडून खेळतो.

गिलने 2017-18 रणजी ट्रॉफीत बंगालविरुद्ध पंजाबकडून खेळताना फर्स्ट-क्लास क्रिकेटमध्ये पदार्पण केले होते. त्यानंतर 2018 मध्ये झालेल्या अंडर-19 वर्ल्ड कपमध्ये त्याला उपकर्णधार बनवण्यात आले आणि त्याने जबरदस्त फलंदाजी करत भारताला चौथा किताब जिंकून देण्यात महत्त्वाची भूमिका बजावली. त्याच स्पर्धेत गिलला प्लेअर ऑफ द टूर्नामेंट हा पुरस्कारही मिळाला. या कामगिरीमुळे त्याच्यासाठी आंतरराष्ट्रीय क्रिकेटचे दरवाजे उघडले आणि जानेवारी 2019 मध्ये त्याने भारताकडून आंतरराष्ट्रीय पदार्पण केले.

शुबमन गिलचा कसोटी कारकिर्दीपर्यंतचा प्रवास आतापर्यंत खूपच शानदार ठरला आहे. अलीकडेच इंग्लंड मालिकेत त्याला भारतीय संघाचा कर्णधारपदाची जबाबदारी देण्यात आली. त्याने 37 कसोटी सामन्यांमध्ये 69 डाव खेळले असून एकूण 2647 धावा केल्या आहेत. त्याचा फलंदाजी सरासरी 41.35 इतका आहे. गिलने कसोटीत आतापर्यंत 9 शतके आणि 7 अर्धशतके झळकावली आहेत. या काळात त्याची सर्वोच्च खेळी 269 धावांची आहे. केवळ 25 व्या वर्षी सलामीवीर म्हणून कसोटी क्रिकेटमधील हे आकडे त्याची क्षमता आणि दर्जा स्पष्टपणे दाखवतात.

वनडे फॉरमॅटमध्ये शुभमन गिलचे प्रदर्शन आणखी प्रभावी ठरले आहे. त्याने आतापर्यंत 55 सामन्यांत 2775 धावा केल्या आहेत. त्याची फलंदाजी सरासरी 59.04 इतकी आहे, जी कोणत्याही टॉप फलंदाजासाठी अप्रतिम मानली जाते. या काळात त्याने 8 शतके आणि 15 अर्धशतके झळकावली आहेत. त्याचा सर्वोच्च डाव 208 धावांचा आहे, जो त्याच्या दुहेरी शतक करण्याच्या क्षमतेचा पुरावा देतो. गिलचा स्ट्राईक रेट जवळपास 100 इतका आहे, ज्यामुळे तो आधुनिक क्रिकेटमधील परफेक्ट वनडे फलंदाज ठरतो.

गिलने टी20 आंतरराष्ट्रीय क्रिकेटमध्ये आतापर्यंत 21 सामने खेळले असून 578 धावा केल्या आहेत. त्याची सरासरी 30.42 आहे तर स्ट्राईक रेट 139.27 इतका आहे. या फॉरमॅटमध्ये त्याने 1 शतक आणि 3 अर्धशतके झळकावली आहेत. त्याचा सर्वोच्च स्कोर नाबाद 126 धावांचा आहे, जो सिद्ध करतो की छोट्या फॉरमॅटमध्येही मोठमोठे फटके खेळण्याची क्षमता त्याच्यात आहे.