एसआरएच वि डीसी आयपीएल 2025: आयपीएल 2025 च्या हंगामात काल (5 मे) सनरायझर्स हैदराबाद आणि दिल्ली कॅपिटल्स यांच्यात सामना खेळवण्यात आला. मात्र हा सामना पावसामुळे रद्द झाला. या सामन्यात प्रथम गोलंदाजी करताना भेदक गोलंदाजी केली. अवघ्या 29 धावांवर दिल्लीने 5 विकेट्स गमावल्या होत्या. यादरम्यान दिल्लीचा फलंदाज विप्राज निगम बाद होताच हैदराबाद संघाची मालकीण काव्य मारनने केलेली रिअॅक्शन सध्या सोशल मीडियावर मोठ्या प्रमाणात व्हायरल होत आहे.
दिल्लीला विप्राज निगमच्या रूपात 62 धावांवर सहावा धक्का बसला. विप्राज निगम बाद होताच काव्या मारनने आक्रमक शैलीत सेलिब्रेशन केले. 13 व्या षटकाच्या पहिल्याच चेंडूवर विपराज निगम (१८) अनिकेत वर्माने धावबाद केला. त्याआधी, करुण नायर (0), फाफ डू प्लेसिस (3), अभिषेक पोरेल (8), केएल राहुल (10) आणि अक्षर पटेल (6) धावांवर बाद झाला.
काव्या मारनचे आक्रमक सेलिब्रेशन, VIDEO:
विप्राज निगम धावबाद झाल्यावर काव्या मारनने आक्रमक शैलीत सेलिब्रेशन केले. विप्राज निगम बाद झाल्यानंतर दिल्लीचा संघ 100 धावांवरच बाद होईल, अशी परिस्थिती निर्माण झाली होती. परंतु दिल्लीच्या ट्रिस्टन स्टब्स 41 धावा आणि आशुतोष शर्माने 41 धावा करत संघाला 133 धावांवर पोहचवले.
काव्या मारन 😭😭😭😭 pic.twitter.com/bxobd4xnga
– सुहिम. (@Was_srhnation) 5 मे, 2025
हैदराबाद आयपीएल 2025 च्या प्लेऑफच्या शर्यतीतून बाहेर-
पावसामुळे सनरायझर्स हैदराबादचा डाव सुरू होऊ शकला नाही, सामना रद्द झाल्यानंतर दोन्ही संघांना 1-1 गुण देण्यात आले. गेल्या वर्षीचा उपविजेता हैदराबाद या हंगामात प्लेऑफच्या शर्यतीतून बाहेर पडलेला तिसरा संघ बनला आहे. हैदराबादने आतापर्यंत खेळलेल्या 11 सामन्यांपैकी फक्त 3 सामने जिंकले आहेत आणि 7 सामने गमावले आहेत.
हैदराबाद सहाव्यांदा लीगच्या टप्प्यातून बाहेर-
2013 पासून आयपीएलमध्ये खेळत असलेला सनरायझर्स हैदराबाद सहाव्यांदा लीग टप्प्यातून बाहेर पडला आहे. 2013 मध्ये प्लेऑफमध्ये पोहोचल्यानंतर, संघ सलग दोनदा लीग टप्प्यातून बाहेर पडला. 2016 मध्ये डेव्हिड वॉर्नरने संघाला पहिले विजेतेपद मिळवून दिले. यानंतर, हैदराबादचा संघ 2017 मध्ये प्लेऑफमध्ये पोहोचला आणि 2018 मध्ये उपविजेता ठरला. हैदराबादचा संघ 2019 आणि 2020 मध्ये प्लेऑफमध्ये पोहचला होता. परंतु त्यानंतर सलग तीन वेळा तो लीग टप्प्यातून बाहेर पडला. गेल्या वर्षी (२०२४) पॅट कमिन्सच्या नेतृत्वाखाली संघ अंतिम फेरीत पोहोचला होता, परंतु केकेआरकडून पराभव पत्करल्यानंतर त्यांना उपविजेतेपदावर समाधान मानावे लागले. यावर्षी पुन्हा एकदा हैदराबादचे जेतेपद जिंकण्याचे स्वप्न भंगले आहे.
संबंधित बातमी:
अधिक पाहा..
Comments are closed.