सूर्यकांत भारताचे ५३ वे सरन्यायाधीश : न्यायमूर्ती सूर्यकांत देशाचे नवे सरन्यायाधीश झाले; राष्ट्रपती द्रौपदी मुर्मू यांनी त्यांना शपथ दिली

• न्यायमूर्ती सूर्यकांत हे देशाचे ५३ वे सरन्यायाधीश बनले आहेत
• राष्ट्रपती द्रौपदी मुर्मू यांनी न्यायमूर्ती सूर्यकांत यांना शपथ दिली.
• राष्ट्रपती भवनात होणाऱ्या या शपथविधी सोहळ्यासाठी सात देशांचे न्यायाधीश उपस्थित आहेत

सूर्यकांत भारताचे ५३ वे सरन्यायाधीश : नवी दिल्ली : न्यायमूर्ती सूर्यकांत यांनी भारताच्या सर्वोच्च न्यायालयाचे मुख्य न्यायाधीश म्हणून पदभार स्वीकारला आहे. माजी सरन्यायाधीश भूषण गवई यांचा कार्यकाळ काल (२३ नोव्हेंबर) संपला. भूषण गवई यांच्या निवृत्तीनंतर न्यायमूर्ती सूर्यकांत हे भारताचे नवे सरन्यायाधीश झाले आहेत. राष्ट्रपती द्रौपदी मुर्मू यांनी न्यायमूर्ती सूर्यकांत यांना शपथ दिली. सात देशांच्या सरन्यायाधीशांच्या उपस्थितीत शपथविधी सोहळा पार पडला.

न्यायमूर्ती सूर्यकांत यांनी देशाचे ५३ वे सरन्यायाधीश म्हणून शपथ घेतली आहे. राष्ट्रपती भवनात हा शपथविधी सोहळा पार पडला. सूर्यकांत यांची सरन्यायाधीशपदी नियुक्ती करण्यात आली आहे. सर्वोच्च न्यायालयाचे न्यायाधीश म्हणून ते कलम 370 रद्द करणे, अभिव्यक्ती स्वातंत्र्य आणि नागरिकत्व हक्क यांच्यावरील सुनावणीत सहभागी होते.

LIVE: भारताचे सरन्यायाधीश श्री न्यायमूर्ती सूर्यकांत यांचा राष्ट्रपती भवनात शपथविधी सोहळा

– भारताचे राष्ट्रपती (@rashtrapatibhvn) 24 नोव्हेंबर 2025

राजकीय बातम्या वाचण्यासाठी क्लिक करा

राष्ट्रपती भवनात सरन्यायाधीश सूर्यकांत यांच्या शपथविधी सोहळ्याला पंतप्रधान नरेंद्र मोदी, केंद्रीय गृहमंत्री अमित शहा, रसायने आणि खते मंत्री जेपी नड्डा यांच्यासह इतर केंद्रीय मंत्री, नेते आणि माजी न्यायाधीशही उपस्थित होते. सरन्यायाधीश सूर्यकांत यांचा शपथविधी आणखी एका कारणाने लक्षवेधी ठरला आहे. प्रथमच एखाद्या न्यायाधीशाच्या शपथविधी सोहळ्यासाठी इतर सात देशांचे न्यायाधीश उपस्थित होते. यावेळी भूतानचे मुख्य न्यायमूर्ती लियोनपो नोर्बू शेरिंग, केनियाच्या मुख्य न्यायमूर्ती मार्था कूम, मलेशियाच्या संधी न्यायालयाच्या मुख्य न्यायाधीश नलिनी पथमनाथन, मॉरिशसच्या मुख्य न्यायाधीश बीबी रेहाना मुंगली-गुलबुल, नेपाळचे मुख्य न्यायाधीश प्रकाश मानसिंग राऊत उपस्थित होते. सूर्यकांत हे 9 फेब्रुवारी 2027 पर्यंत सरन्यायाधीश पदावर असतील. सुमारे 15 महिने ते हे पद सांभाळतील.

महाराष्ट्राशी संबंधित बातम्या वाचण्यासाठी क्लिक करा

कोण आहेत न्यायमूर्ती सूर्यकांत?

न्यायमूर्ती सूर्यकांत यांचा जन्म 10 फेब्रुवारी 1962 रोजी हरियाणातील हिसार येथील एका मध्यमवर्गीय कुटुंबात झाला. सुरुवातीच्या शिक्षणानंतर, त्यांनी 1981 मध्ये सरकारी पोस्ट ग्रॅज्युएट कॉलेज, हिसारमधून पदवी प्राप्त केली. त्यानंतर 1984 मध्ये, त्यांनी महर्षि दयानंद विद्यापीठ, रोहतक येथून कायद्याची पदवी घेतली. त्याच वर्षी हिसारच्या जिल्हा न्यायालयात प्रॅक्टिस सुरू केली. त्यानंतर ते 1985 मध्ये पंजाब आणि हरियाणा उच्च न्यायालयात प्रॅक्टिस करण्यासाठी चंदीगडला गेले.