सुशीला कार्की होणार नेपाळच्या अंतरिम पंतप्रधान, थोड्याच वेळात पार पडणार शपथविधी सोहळा?

नेपाळमध्ये झालेल्या हिंसक निदर्शनांनंतर निर्माण झालेल्या राजकीय संकटाच्या पार्श्वभूमीवर, माजी सरन्यायाधीश सुशीला कार्की यांना अंतरिम पंतप्रधान करण्याचा निर्णय घेण्यात आला आहे. राष्ट्रपती राम चंद्र पौडेल आणि लष्करप्रमुख जनरल अशोक राज सिंगडेल यांच्या उपस्थितीत Gen-Z गटांच्या बैठकीत सुशीला कार्की यांच्या नावावर एकमत झाले. त्या आज रात्री ८:४५ वाजता राष्ट्रपती भवनात शपथ घेतील. त्या नेपाळच्या पहिल्या महिला पंतप्रधान असतील, असं वृत्त ‘आज तक’ने दिलं आहे.