पुढच्या वर्षी टी-20 वर्ल्ड कप 2026 (T- 20 World Cup) बद्दल मोठी अपडेट समोर आली आहे. रिपोर्ट्सनुसार, क्रिकेटचा हा महासंग्राम वर्ल्ड कप 7 फेब्रुवारीपासून सुरू होऊ शकतो, तर त्याचा अंतिम सामना 8 मार्चला होण्याची शक्यता आहे. हा वर्ल्ड कप भारत आणि श्रीलंका एकत्रितपणे होस्ट करणार आहेत.
जर पाकिस्तान अंतिम फेरीत पोहोचू शकला नाही, तर खिताबी सामना अहमदाबादच्या नरेंद्र मोदी स्टेडियममध्ये होईल. मात्र, जर पाकिस्तान अंतिम फेरीपर्यंत पोहोचला, तर फायनल सामना श्रीलंकेच्या कोलंबोमध्ये होऊ शकतो.
टी-20 वर्ल्ड कप 2026 संदर्भातील अधिकृत माहिती समोर आली आहे. हा वर्ल्ड कप 7 फेब्रुवारी 2026 पासून सुरू होऊन 8 मार्च 2026 रोजी संपेल, अशी शक्यता आहे. भारत आणि श्रीलंका या दोन देशांनी या स्पर्धेची संयुक्तपणे मेजवानी स्वीकारली आहे. या स्पर्धेत 20 संघ सहभागी होणार आहेत आणि किमान पाच भारतीय शहरांमध्ये तसेच दोन श्रीलंकन शहरांमध्ये सामने खेळवले जातील.
स्पर्धेचा अंतिम सामना अहमदाबादच्या नरेंद्र मोदी स्टेडियममध्ये (Narendra Modi Cricket Stadium) होण्याची शक्यता आहे. मात्र, पाकिस्तान जर अंतिम फेरीत पोहोचला, तर अंतिम सामना श्रीलंकेच्या कोलंबो शहरात होऊ शकतो. हे निर्णय दोन्ही देशांमधील राजकीय तणाव आणि क्रिकेट संबंधांच्या पार्श्वभूमीवर घेतले जात आहेत. भारत आणि पाकिस्तान (IND vs PAK) यांच्यात 2013 नंतर कोणतेही द्विपक्षीय क्रिकेट सामने खेळले गेलेले नाही, त्यामुळे ICC स्पर्धांमध्ये दोन्ही देश एकमेकांच्या देशांमध्ये खेळण्याऐवजी तटस्थ स्थळांवर खेळतात.
Comments are closed.