टी-20 विश्वचषकातून 3 संघ OUT; टीम इंडियासह 2 संघांची सुपर-8 मध्ये दिमाखदार एन्ट्री, 6 जागेसाठी

T20 विश्वचषक 2026 IND vs PAK नंतर गुण सारणी : भारत आणि श्रीलंकेत सुरू असलेल्या आयसीसी पुरुष टी-20 विश्वचषक (ICC Men’s T20 World Cup) स्पर्धेत आतापर्यंत 27 लीग सामने पूर्ण झाले आहेत. 27वा सामना भारत आणि पाकिस्तान यांच्यात रंगला होता. या टप्प्यापर्यंत तीन संघ स्पर्धेबाहेर गेले असून दोन संघांनी सुपर 8 मध्ये अधिकृत प्रवेश मिळवला आहे.

भारताने पाकिस्तानवर दणदणीत विजय मिळवत सुपर 8 चे तिकीट निश्चित केले. त्याचबरोबर दोन वेळा विजेतेपद पटकावलेल्या वेस्ट इंडिजनेही सुपर 8 मध्ये स्थान मिळवले आहे. दुसरीकडे ओमान, नेपाळ आणि नामिबिया हे तीन संघ स्पर्धेतून बाहेर पडले आहेत. ग्रुप डी मधून अद्याप कोणताही संघ अधिकृतरीत्या पात्र किंवा अपात्र ठरलेला नाही.

गट A गुण सारणी (गट A T20 विश्वचषक 2026 गुण सारणी)

ग्रुप A मध्ये भारताने पहिले तीन सामने जिंकत 6 गुणांसह अव्वल स्थान पटकावले आणि सुपर 8 मध्ये प्रवेश निश्चित केला. दुसऱ्या स्थानावर यूएसए आहे (4 पैकी 2 विजय). तिसऱ्या क्रमांकावर पाकिस्तान आहे (3 पैकी 2 विजय). नेदरलँड्सने 3 पैकी 1 सामना जिंकला असून ते चौथ्या स्थानावर आहेत. नामिबियाने पहिले तीनही सामने गमावले असून ते स्पर्धेतून बाद झाले आहेत.

ग्रुप बी पॉइंट टेबल (ग्रुप बी टी20 वर्ल्ड कप 2026 पॉइंट टेबल)

ग्रुप B मध्ये श्रीलंका दोन विजयांसह पहिल्या क्रमांकावर आहे. झिम्बाब्वेनेही पहिले दोन सामने जिंकून दुसरे स्थान मिळवले आहे. ऑस्ट्रेलिया 2 पैकी 1 विजयासह तिसऱ्या स्थानावर आहे. आयर्लंड 3 पैकी 1 विजयासह चौथ्या स्थानी आहे. ओमानने तीनही सामने गमावले असून ते स्पर्धेतून बाहेर पडले आहेत.

गट क गुण सारणी (गट क टी२० विश्वचषक २०२६ गुण सारणी)

ग्रुप C मध्ये वेस्ट इंडिजने पहिले तीन सामने जिंकून अव्वल स्थान मिळवले आणि सुपर 8 मध्ये प्रवेश निश्चित केला. इंग्लंड 3 पैकी 2 विजयांसह दुसऱ्या क्रमांकावर आहे. स्कॉटलंड 3 पैकी 1 विजयासह तिसऱ्या स्थानी आहे. इटली 2 पैकी 1 विजयासह चौथ्या क्रमांकावर आहे. नेपाळने तीनही सामने गमावले असून त्यांचा प्रवास संपला आहे.

गट डी गुण सारणी (गट डी टी20 विश्वचषक 2026 गुण सारणी)

ग्रुप D मध्ये दक्षिण आफ्रिका 3 विजय आणि 6 गुणांसह अव्वल स्थानावर आहे. मात्र, अजून पात्रता अधिकृतरीत्या निश्चित झालेली नाही, कारण इतर दोन संघही 6 गुणांपर्यंत पोहोचू शकतात. तरी नेट रनरेटच्या जोरावर दक्षिण आफ्रिकेचे सुपर 8 मध्ये स्थान जवळपास निश्चित मानले जात आहे. न्यूझीलंड 3 पैकी 2 विजयांसह दुसऱ्या स्थानावर आहे. यूएईने 2 पैकी 1 सामना जिंकला आहे. अफगाणिस्तान आणि कॅनडा यांनी प्रत्येकी दोन सामने गमावले असून ते अनुक्रमे चौथ्या आणि पाचव्या क्रमांकावर आहेत.

हे ही वाचा –

Ind vs Pak T20 World Cup 2026 : भारताच्या विजयाचा धसका; मोहसीन नक्वीची गुपचूप एक्झिट; तोंड लपवून स्टेडियममधून काढला पळ, नेमकं काय घडलं?

आणखी वाचा