झिम्बाब्वेविरुद्धच्या सुपर ८ सामन्यात भारताच्या विजयाचा हिरो हार्दिक पांड्या होता. प्रथम फलंदाजी करताना टीम इंडियाने २५७ धावांचा भक्कम डोंगर उभा केला. भारताला ही धावसंख्या गाठण्यात अष्टपैलू हार्दिक पांड्याने महत्त्वाची भूमिका बजावली. १२.५ षटकांत १५० धावांवर अभिषेक शर्माच्या रूपात भारताचा तिसरा बळी गेला तेव्हा पांड्या फलंदाजीला आला. हार्दिक पांड्याची फलंदाजी पाहून असे वाटले की तो ड्रेसिंग रूममधूनच तयार आला आहे. त्याने २३ चेंडूंत ५० धावांची धमाकेदार खेळी केली, ज्यामध्ये दोन चौकार आणि चार उत्तुंग षटकारांचा समावेश होता. गोलंदाजीत त्याने एकही बळी घेतला नाही, परंतु तो किफायतशीर होता, त्याने तीन षटकांत फक्त २१ धावा दिल्या. झिम्बाब्वेविरुद्ध हार्दिक पांड्याला सामनावीराचा पुरस्कार देण्यात आला.
टी२० विश्वचषक २०२६ मध्ये हार्दिक पांड्याचा हा दुसरा आणि स्पर्धेच्या इतिहासातील तिसरा पुरस्कार आहे. हा पुरस्कार जिंकून हार्दिक पांड्याने रोहित शर्मा आणि युवराज सिंग सारख्या माजी खेळाडूंची बरोबरी केली आहे.
यासह, हार्दिक पांड्या भारतासाठी सर्वाधिक सामनावीर पुरस्कार जिंकणारा संयुक्त तिसरा खेळाडू बनला आहे. आता त्याच्या पुढे फक्त दोन नावे आहेत: विराट कोहली आणि सूर्यकुमार यादव. भारतासाठी सर्वाधिक सामनावीर पुरस्कार जिंकण्याचा विक्रम किंग कोहलीच्या नावावर आहे.
टी२० विश्वचषकाच्या इतिहासात भारताला सर्वाधिक सामनावीर पुरस्कार:
८ – विराट कोहली (पाकविरुद्ध ३, दक्षिण आफ्रिकाविरुद्ध २, ऑस्ट्रेलियाविरुद्ध १, अफगाणिस्तानविरुद्ध १, बांगलादेशविरुद्ध १)
४ – सूर्यकुमार यादव (अमेरिकाविरुद्ध १, नेदरलँडविरुद्ध १, झिमझिमविरुद्ध १, अफगाणिस्तानविरुद्ध १)
३ – हार्दिक पांड्या (इंग्लंडविरुद्ध १, ऑस्ट्रेलियाविरुद्ध १, दक्षिण आफ्रिकाविरुद्ध १)
३ – युवराज सिंग (इंग्लंडविरुद्ध १, ऑस्ट्रेलियाविरुद्ध १, दक्षिण आफ्रिकाविरुद्ध १)
३ – रोहित शर्मा (दक्षिण आफ्रिकाविरुद्ध १, अफगाणिस्तानविरुद्ध १, ऑस्ट्रेलियाविरुद्ध १)
३ – आर. अश्विन (बंगलादेशविरुद्ध २, ऑस्ट्रेलियाविरुद्ध १)
यासह, हार्दिक पंड्या एकाच टी२० विश्वचषकात दोन वेळा सामनावीर पुरस्कार जिंकणारा ८ वा भारतीय ठरला आहे. जर पांड्या येत्या स्पर्धेत पुन्हा सामनावीर जिंकला तर तो इतिहास रचू शकेल.
भारताने एका टी२० विश्वचषकात दोन सामनावीर पुरस्कार
२००७- युवराज सिंग (वि. इंग्लंड, ऑस्ट्रेलिया)
२०१२ – विराट कोहली (वि. अफगाणिस्तान, पाकिस्तान)
२०१४- अमित मिश्रा (वि. पाकिस्तान, वेस्ट इंडिज)
2014- रवी अश्विन (वि. बांगलादेश, ऑस्ट्रेलिया)
2016- विराट कोहली (वि. पाकिस्तान, ऑस्ट्रेलिया)
2021- रवींद्र जडेजा (वि. स्कॉटलंड, नामिबिया)
२०२२- विराट कोहली (वि. पाकिस्तान, बांगलादेश)
२०२२- सूर्यकुमार यादव (वि नेदरलंड्स, झिम्बाब्वे)
२०२४- जसप्रीत बुमराह (वि आर्यंलड, पाकिस्तान)
2026- हार्दिक पंड्या (वि. नामिबिया, झिम्बाब्वे)*
Comments are closed.