दिल्ली: बॉर्डर-गावस्कर ट्रॉफी 2024-25 च्या तिसऱ्या सामन्यानंतर, अनुभवी भारतीय फिरकी गोलंदाज रविचंद्रन अश्विनने अचानक निवृत्ती जाहीर केली. यानंतर भारतीय संघात त्याची जागा कोण घेणार, असे प्रश्न उपस्थित होऊ लागले. वृत्तानुसार, मालिकेतील उर्वरित 2 सामन्यांसाठी मुंबईचा फिरकी अष्टपैलू तनुष कोटियनचा भारतीय संघात समावेश करण्यात आला आहे.
हे देखील पहा- रवींद्र जडेजाच्या पत्रकार परिषदेतील वादामुळे सामना रद्द, जाणून घ्या काय आहे प्रकरण
ऑफ-स्पिन गोलंदाजी आणि उजव्या हाताने फलंदाजी करणारा कोटियन अलीकडेच अहमदाबाद येथे झालेल्या विजय हजारे करंडक स्पर्धेत मुंबई संघासोबत होता. मिळालेल्या माहितीनुसार, कोटियन मंगळवारी ऑस्ट्रेलियाला रवाना होणार आहेत. मात्र, याबाबत कोणतीही अधिकृत घोषणा करण्यात आलेली नाही.
देशांतर्गत क्रिकेटमध्ये चांगली कामगिरी
26 वर्षीय तनुषला देशांतर्गत क्रिकेटमधील भारताच्या सर्वोत्तम अष्टपैलू खेळाडूंपैकी एक मानले जाते. बॉर्डर-गावसकर ट्रॉफीपूर्वी झालेल्या भारत अ संघासोबत त्याने यापूर्वी ऑस्ट्रेलियाचा दौराही केला होता.
युवा अष्टपैलू खेळाडूने आतापर्यंत 33 प्रथम श्रेणी सामने खेळले आहेत, ज्यामध्ये त्याने 101 विकेट्स घेतल्या आहेत. त्याची गोलंदाजीची सरासरी २५.७० आहे. अलीकडेच त्याने मुंबई आणि बडोदा यांच्यातील रणजी ट्रॉफी सामन्यात चमकदार कामगिरी केली आणि पाच विकेट्स घेत संघाला महत्त्वपूर्ण आघाडी मिळवून दिली.
गेल्या रणजी मोसमात कोटियनची कामगिरी उत्कृष्ट होती. मुंबईने विदर्भाचा 169 धावांनी पराभव करून 43वे विजेतेपद पटकावले आणि कोटियनला स्पर्धेतील सर्वोत्तम खेळाडू म्हणून गौरविण्यात आले. त्याने या मोसमात 10 सामने खेळले आणि 502 धावा केल्या आणि 29 विकेट घेतल्या.
संबंधित बातम्या
Comments are closed.