ऑस्ट्रेलियाने घडवला इतिहास, चॅम्पियन्स ट्रॉफीमध्ये नवा विक्रम प्रस्थापित!

स्टीव्ह स्मिथच्या नेतृत्वाखालील ऑस्ट्रेलियन संघाने ग्रुप स्टेजमधील तीनपैकी एक सामना जिंकून आयसीसी चॅम्पियन्स ट्रॉफीच्या उपांत्य फेरीत आपले स्थान निश्चित केले आहे, तर दोन सामने रद्द झाले. कांगारू संघाने स्पर्धेतील त्यांच्या पहिल्या सामन्यात इंग्लंडविरुद्ध रोमांचक विजय मिळवला होता. त्यानंतर दक्षिण आफ्रिका आणि अफगाणिस्तानविरुद्धचे त्यांचे सामने पावसामुळे रद्द करण्यात आले. परंतु या दोन्ही सामन्यांमध्ये 1-1 गुण मिळवून, संघ 4 गुणांसह उपांत्य फेरीत पोहोचण्यात यशस्वी झाला. लाहोरच्या मैदानावर अफगाणिस्तानविरुद्ध खेळल्या गेलेल्या सामन्यात जेव्हा कांगारू संघ लक्ष्याचा पाठलाग करत होता. तेव्हा त्यांनी चॅम्पियन्स ट्रॉफीच्या इतिहासातील एक मोठा विक्रमही मोडला.

ऑस्ट्रेलियाविरुद्धच्या सामन्यात प्रथम फलंदाजी करताना अफगाणिस्तान संघाने 50 षटकांत 273 धावा केल्या. यानंतर, जेव्हा कांगारू संघ लक्ष्याचा पाठलाग करण्यासाठी मैदानात आला तेव्हा ट्रॅव्हिस हेडच्या आक्रमक फलंदाजीच्या जोरावर त्यांनी पावसामुळे खेळ थांबवेपर्यंत 12.5 षटकांत 109 धावा केल्या. या दरम्यान, त्यांनी त्यांच्या डावाच्या पहिल्या 10 षटकांत एक विकेट गमावून 90 धावा केल्या, जो चॅम्पियन्स ट्रॉफीच्या इतिहासात पहिल्या 10 षटकांत सर्वाधिक धावसंख्या आहे. ऑस्ट्रेलियाने या बाबतीत श्रीलंकेचा विक्रम मोडला आहे. ज्यांनी 2017 मध्ये झालेल्या चॅम्पियन्स ट्रॉफीमध्ये दक्षिण आफ्रिकेविरुद्धच्या सामन्यात पहिल्या 10 षटकात एक विकेट गमावून 87 धावा केल्या होत्या.

चॅम्पियन्स ट्रॉफीच्या इतिहासात पहिल्या 10 षटकात सर्वाधिक धावा करणारे संघ

ऑस्ट्रेलिया – एक विकेट गमावून 90 धावा (अफगाणिस्तान विरुद्ध, वर्ष 2025)

श्रीलंका – 1 विकेटच्या मोबदल्यात 87 धावा (विरुद्ध दक्षिण आफ्रिका, 2017)

वेस्ट इंडिज – 1 विकेटच्या मोबदल्यात 82 धावा (विरुद्ध भारत, 1998)

वेस्ट इंडिज – 3 विकेटच्या मोबदल्यात 80 धावा (विरुद्ध ऑस्ट्रेलिया, 2006)

हेही  वाचा-

“विराटची महानता शब्दांपलीकडे”, न्यूझीलंडविरुद्ध सामन्यापूर्वी केएल राहुलचे खास विधान
विश्वचषकाची पुनरावृत्ती? चॅम्पियन्स ट्रॉफीच्या अंतिम फेरीत भारत-ऑस्ट्रेलियाची लढत संभव!
IND vs NZ: रोहित शर्मा नवा विक्रम रचणार? एबी डिव्हिलियर्सला मागे टाकण्याची संधी!