भुवी विंडीजविरुद्धच्या मालिका निर्णायक T20I सामन्यात खेळणार? अर्शदीपमुळे टीम इंडियाची डोकेदुखी…

भारत विरुद्ध वेस्ट इंडिज पाच सामन्यांची टी२० मालिका २-२ अशी झाली आहे. यामधील चौथा सामना जो बुधवारी (१४ ऑक्टोबर) खेळला गेला. त्यामध्ये वेस्ट इंडिजने विजय मिळवला. आता निर्णायक सामना शनिवारी (१७ ऑक्टोबर) बंगळुरूमध्ये खेळला जाणार आहे. या सामन्यात भुवनेश्वर कुमार खेळणार की नाही याची चर्चा सुरू झाली आहे. त्यामागचे कारणही तसेच मोठे आहे.

भुवनेश्वर कुमार जवळपास चार वर्षांनंतर भारतीय संघात परतला. त्याची आगामी न्यूझीलंड दौऱ्यातील टी२० मालिकेसाठी निवड झाली आहे. सध्या तो याच मालिकेच्या तयारीसाठी बंगळुरूमध्ये आहे. तो बीसीसीआयच्या सेंटर ऑफ एक्सलेन्समध्ये सरावामध्ये व्यस्त आहे. त्यामुळे तो वेस्ट इंडिजविरुद्ध पाचव्या सामन्यात खेळणार का या चर्चेला उधान आले आहे.

दुसरीकडे भारतीय संघाचेही टेंशन वाढले आहे. कारण या मालिकेतील महत्त्वाचा वेगवान गोलंदाज अर्शदीप सिंग दुखापतग्रस्त झाला आहे. त्याला चौथ्या टी२० सामन्यावेळी फलंदाजी करताना खांद्याची दुखापत झाली. त्यामुळे त्याने लगेचच मैदान सोडले. अशा स्थितीत भुवनेश्वरला संधी दिली जाऊ शकते.