बाप रे! टीम इंडियाची अवस्था पाकिस्तान, कॅनडापेक्षाही बेकार, टी-20 विश्वचषकाचे धक्कादायक सत्य आल

टीम इंडिया टी-20 वर्ल्ड कप 2026 मध्ये 9 झेल सोडते: टी-20 विश्वचषक 2026 मध्ये टीम इंडियाचा आतापर्यंतचा प्रवास अत्यंत दमदार राहिला आहे. सलग चार सामने जिंकत भारताने सुपर-8 फेरीत धडाक्यात प्रवेश केला आहे. मात्र आता खरी कसोटी सुरू होणार आहे. सुपर-8 मध्ये भारताचा सामना बलाढ्य संघांशी होणार आहे. अशा वेळी भारतीय संघाची एक मोठी कमकुवत बाजू समोर आली आहे, जी चाहत्यांची चिंता वाढवणारी ठरते आहे.

टीम इंडियाची मोठी कमकुवत बाजू (Team India worst catching team in T20 World Cup 2026 )

टी-20 विश्वचषक 2026 दरम्यान भारतीय संघाच्या क्षेत्ररक्षणावर प्रश्नचिन्ह उपस्थित झाले आहे. आतापर्यंत भारताने एकूण 9 कॅच सोडले असून, 20 संघांमध्ये हा दुसऱ्या क्रमांकाचा सर्वाधिक आकडा आहे. आयर्लंडने सर्वाधिक 10 कॅच सोडले आहेत. म्हणजेच आयर्लंड वगळता उर्वरित सर्व संघांची क्षेत्ररक्षण कामगिरी भारतापेक्षा चांगली राहिली आहे. हा आकडा धक्कादायक आहे, कारण भारताची गणना स्पर्धेतील सर्वात मजबूत संघांमध्ये होते आणि संघात उत्कृष्ट क्षेत्ररक्षकांची कमतरता नाही.

भारतीय संघाची कॅचिंग टक्केवारी 70 टक्क्यांपेक्षा खाली आहे आणि जवळपास प्रत्येक सामन्यात 2 ते 3 कॅच हातातून सुटत आहेत. सुपर-8 आणि उपांत्य फेरीसारख्या निर्णायक टप्प्यात अशा चुका महागात पडू शकतात.

नेदरलँड्सविरुद्धच्या अलीकडील सामन्यातही भारताकडून काही सोपे कॅच सुटले. सूर्यकुमार यादव आणि रिंकू सिंग यांच्यात धडक झाली, सुदैवाने कोणतीही दुखापत झाली नाही. पाकिस्तानविरुद्धच्या सामन्यात कुलदीप यादव आणि ईशान किशन यांनीही कॅच सोडल्याने संघावर अनावश्यक दबाव आला होता. पाकिस्तान आणि कॅनडा यांसारख्या संघांची क्षेत्ररक्षण कामगिरीही परिपूर्ण नव्हती, मात्र त्यांनी भारतापेक्षा चांगली कामगिरी नोंदवली, हे विशेष लक्षवेधी आहे.

क्षेत्ररक्षण सरावावर अधिक भर आवश्यक

भारतीय संघासाठी ही स्पष्ट इशारा घंटा आहे. सुपर-8 फेरीत बलाढ्य प्रतिस्पर्ध्यांविरुद्ध खेळताना लहानसहान चुका देखील सामन्याचे चित्र पालटू शकतात. फलंदाजी आणि गोलंदाजी या दोन्ही आघाड्यांवर भारताची कामगिरी प्रभावी राहिली असली तरी क्षेत्ररक्षणात सुधारणा करणे अत्यावश्यक आहे. आता संघ व्यवस्थापनाने क्षेत्ररक्षणाच्या सराव सत्रांवर अधिक लक्ष केंद्रित करून चुका कमी करण्यावर भर द्यायला हवा. कारण स्पर्धेच्या निर्णायक टप्प्यात प्रत्येक कॅच, प्रत्येक रन-आउट आणि प्रत्येक डायरेक्ट हिट हीच विजय-पराजयातील सीमारेषा ठरू शकते.

हे ही वाचा –

Netherlands Plan Abhishek Sharma : काहीही करा, त्याला बोलवा, नेदरलँड्सची मागणी अन् ‘डुप्लिकेट अभिषेक’मुळे जगातील नंबर-1 स्टार खेळाडूचा गेम, टीम इंडियाविरुद्ध काय घडलं?

आणखी वाचा