अहिल्यानगर : कल्याण-अहिल्यानगर महामार्गावर आज काळजाचा थरकाप उडवणारा भीषण अपघात (Kalyan-Ahilyanagar Highway Accident) झाला आहे. एका ईको कार आणि सिमेंट मिक्सर ट्रकची समोरासमोर जोरदार धडक झाली असून, या भीषण अपघातात आठ प्रवाशांचा जागीच मृत्यू झाला आहे. तर एक जण गंभीर जखमी झाला असून त्याची प्रकृती चिंताजनक असल्याचे समजते.(Kalyan-Ahilyanagar Highway Accident)
मिळालेल्या माहितीनुसार, हा अपघात इतका भीषण होता की दोन्ही वाहनांच्या धडकेनंतर ईको कारचा अक्षरशः चक्काचूर झाला आहे. सिमेंट मिक्सर आणि कारची समोरासमोर धडक झाल्याने कारमधील प्रवाशांना बाहेर पडण्याची संधीही मिळाली नाही. या भीषण धडकेत आठ जणांनी जागीच प्राण गमावले आहेत.(Kalyan-Ahilyanagar Highway Accident)
Kalyan-Ahilyanagar Highway Accident: स्थानिकांची मदतीसाठी धाव
अपघाताचा आवाज होताच परिसरातील स्थानिक नागरिकांनी तातडीने मदतीसाठी धाव घेतली. घटनेची माहिती मिळताच महामार्ग पोलीस आणि स्थानिक पोलीस प्रशासनही घटनास्थळी दाखल झाले. पोलिसांनी स्थानिक नागरिकांच्या मदतीने कारमध्ये अडकलेल्या मृतदेहांना आणि जखमीला बाहेर काढले.
या अपघातातील एकमेव गंभीर जखमी व्यक्तीला तातडीने जवळच्या रुग्णालयात उपचारांसाठी दाखल करण्यात आले आहे. मृतांची ओळख पटवण्याचे काम सध्या पोलिसांकडून सुरू आहे.या घटनेमुळे परिसरात मोठी हळहळ व्यक्त केली जात आहे.
आणखी वाचा
Comments are closed.