चेन्नई सुपर किंग्स (Chennai Super Kings) जेव्हा आयपीएल (IPL) मिनी ऑक्शनच्या टेबलवर आली, तेव्हा त्यांच्या पर्समध्ये 43.40 कोटी रुपयांची मोठी रक्कम होती. यलो आर्मी (Yellow Army) मोठी बोली लावणार हे सगळ्यांना माहीत होतं, पण धोनीच्या टीममधील एका अनोळखी/गुमनाम खेळाडूला 14 कोटींहून अधिक रक्कम मिळेल, याचा अंदाज फार कमी लोकांनी लावला असेल.
विकेटकीपर-फलंदाज कार्तिक शर्मा याला मंगळवार, (16 डिसेंबर 2025) रोजी अबू धाबी येथे झालेल्या आयपीएल 2026 (IPL 2026) च्या लिलावात चेन्नई सुपर किंग्सने (Chennai Super Kings) 14.20 कोटी रुपयांना विकत घेतले. मुंबई इंडियन्सने (Mumbai Indians) कार्तिकच्या 30 लाख रुपयांच्या मूळ किमतीपासून बोली लावायला सुरुवात केली. त्यानंतर कोलकाता नाइट रायडर्स (Kolkata Knight Riders) आणि लखनऊ सुपर जायंट्सने (Lucknow Super Giants) ही वेगाने वाढणारी बोली 5 कोटी रुपयांच्या वर नेण्याचे काम हाती घेतले.
यानंतर सीएसकेने (CSK) केकेआरशी (KKR) स्पर्धा केली आणि किंमत झपाट्याने वाढवली. दरम्यान, सनरायझर्स हैदराबादने (Sunrisers Hyderabad) ही शर्यत थांबवण्यासाठी शेवटचा प्रयत्न केला. शेवटी, चेन्नई सुपर किंग्सने (Chennai Super Kings) बाजी मारली आणि 19 वर्षीय खेळाडूला आश्चर्यकारक अशा 14.20 कोटी रुपयांमध्ये आपल्या ताफ्यात सामील केले.
राजस्थानचा विकेटकीपर कार्तिक शर्मा आयपीएलमध्ये (IPL) पहिल्यांदाच खेळणार आहे. कार्तिकने डोमेस्टिक व्हाईट-बॉल क्रिकेटमध्ये आपल्या धमाकेदार लोअर ऑर्डरच्या (Lower Order) खेळीने सगळ्यांचे लक्ष वेधून घेतले आहे. विशेषतः सैयद मुश्ताक अली ट्रॉफी लीग टप्प्यात, जिथे त्याने 5 सामन्यांत 133 धावा केल्या आणि त्याचा स्ट्राइक रेट 160 हून अधिक होता. कार्तिक आता आयपीएलच्या इतिहासातील सर्वात महागड्या अनकॅप्ड (Uncapped) खेळाडूंपैकी एक बनला आहे. प्रशांत वीरसोबत तो या यादीत आहे, कारण त्या दोघांनाही चेन्नई सुपर किंग्सने (Chennai Super Kings) समान किंमतीत विकत घेतले आहे.
Comments are closed.