निवडणूक आयोग आधीच भ्रष्ट होण्याच्या प्रक्रियेत आहे.

नवी दिल्ली : जन सुराज पार्टीचे (जेएसपी) संस्थापक प्रशांत किशोर यांनी शुक्रवारी म्हटले की, भारतीय निवडणूक आयोग सडण्याची प्रक्रिया ज्ञानेश कुमार मुख्य निवडणूक आयुक्त होण्यापूर्वीच सुरू झाली होती. वादग्रस्त एसआयआर प्रक्रियेसह अनेक निर्णयांवरून कुमार आणि दोन निवडणूक आयुक्तांमध्ये मतभेद असल्याचा आरोप करणाऱ्या एका वृत्तामुळे निर्माण झालेल्या मोठ्या वादाच्या पार्श्वभूमीवर त्यांनी ही टिप्पणी केली आहे.

हा भ्रष्टाचार मुख्य निवडणूक आयुक्त ज्ञानेश कुमार यांच्यापासून सुरू झालेला नाही. त्यांच्या आधीच्या एका आयुक्तांनी सेवानिवृत्तीनंतर बँकिंग क्षेत्रात कोणताही अनुभव नसताना एका बँकेचे अध्यक्षपद स्वीकारले. स्पष्टपणे हे ‘एका हाताने दे आणि दुसऱ्या हाताने घे’ या प्रकारचे प्रकरण आहे, असे किशोर यांनी सांगितले. त्यांचा अंगुलीनिर्देश अशोक लवासा यांच्याकडे होता, ज्यांनी 2020 मध्ये आशियाई विकास बँकेत सामील होण्यासाठी निवडणूक आयोगाचा राजीनामा दिला होता.