काही दिवसांपूर्वी उत्तराखंडच्या एका अभयारण्यातून गायब झालेला बंगाली टायगर अखेर हिमाचल प्रदेशात सापडल्याचा अंदाज वनविभागाने व्यक्त केला आहे. मिळालेल्या माहितीनुसार उत्तराखंडच्या राजाजी राष्ट्रीय उद्यानातून बेपत्ता असणारा हा वाघ सुरक्षित आहे.
हिमाचल प्रदेशातील सिरमौर जिल्ह्यातील पाँटा साहिब वनक्षेत्रात रॉयल बेंगॉल वाघ दिसल्याने वनविभाग पूर्णपणे सतर्क झाला आहे. या दुर्मिळ हालचालीमुळे हिमाचल आणि शेजारील उत्तराखंडमधील वन्यजीव अधिकारी आश्चर्यचकित झाले आहेत. वनविभागाच्या मते, हा तोच वाघ असण्याची दाट शक्यता आहे, जो गेल्या वर्षभरापासून उत्तराखंडच्या राजाजी राष्ट्रीय उद्यानातून बेपत्ता आहे.
कॅमेऱ्यात ट्रॅप झाला बंगाली टायगर
वन अधिकाऱ्यांनी सांगितले की, पाँटा साहिब वनक्षेत्रातील खरा ब्लॉकमधील एका झाडावर लावलेल्या कॅमेरा ट्रॅपमध्ये सोमवारी वाघाची छायाचित्रे आणि व्हिडिओ क्लिप्स कैद झाल्या आणि गुरुवारी त्याच्या उपस्थितीची पुष्टी झाली. कॅमेऱ्याच्या आसपासच्या झाडांवर आढळलेल्या पावलांच्या आणि नखांच्या खुणांवरून असे सूचित होते की, वाघ गेल्या दोन-तीन दिवसांपासून या परिसरात फिरत आहे. तथापि, वाघाचे लिंग अद्याप निश्चित झालेले नाही.
जागेची पाहणी करायला येणार पथक
Comments are closed.