आयपीएल संघाच्या मालकाने बीसीसीआयला दिला कठोर इशारा, साउथ आफ्रिकेकडून पराभवानंतर व्यक्त केला राग!

भारतीय क्रिकेट संघाची दक्षिण आफ्रिकेविरुद्ध 0-2 अशी कसोटी मालिकेतील पराभवाने संपूर्ण देशात चर्चा सुरू केली आहे. गुवाहाटी येथील बारसापारा स्टेडियममध्ये भारतीय संघाला 408 धावांनी मिळालेल्या लाजिरवाण्या पराभवानंतर आता संघाच्या सपोर्ट स्टाफ आणि निवड धोरणावर प्रश्न उपस्थित होऊ लागले आहेत. याच दरम्यान दिल्ली कॅपिटल्सचे सह-मालक पार्थ जिंदल यांनी सोशल मीडियावर बीसीसीआयला थेट संदेश देत संघाच्या तयारीबाबत कडक टिप्पणी केली आहे.

पार्थ जिंदल यांनी एक्सवर लिहिताना म्हटले की हा पराभव सांगतो की भारताला टेस्ट क्रिकेटसाठी एक खास रेड-बॉल कोचची गरज आहे. त्यांनी म्हटले, “घरच्या मैदानावर असा पराभव. मला आठवत नाही शेवटच्या वेळ कधी भारतीय संघ असा कमजोर दिसला होता. जेव्हा रेड-बॉल स्पेशलिस्टला संधी दिली जाणार नाही, तेव्हा हेच होईल. संघात कसोटी फॉरमॅटची खरी ताकद दिसत नाही. भारताने लगेच कसोटीसाठी वेगळा कोच नेमावा.”

मुख्य कोच गौतम गंभीर यांनी पराभवानंतर झालेल्या प्रेस कॉन्फरन्समध्ये कोणत्याही एका खेळाडूवर बोट दाखवले नाही. तरीही त्यांच्या बोलण्यातून स्पष्ट होते की ते कर्णधार रिषभ पंतच्या “गॅलरी खुश करण्याऱ्या शॉट” वर फारच नाराज आहेत.

भारताने 95/1 अशी चांगली सुरुवात केली होती, पण मार्को यानसनच्या शानदार गोलंदाजी नंतर स्कोर 122/7 वर आला. या दरम्यान पंतनेही एक गैर-आवश्यक आक्रमक शॉट खेळून आपले विकेट गमावले, ज्यामुळे सामना पूर्णपणे दक्षिण आफ्रिकेकडे वळला.

गंभीर यांनी प्रेस कॉन्फरन्समध्ये म्हटले, “एका शॉटसाठी कोणत्याही खेळाडूला दोष देऊ शकत नाही. प्रत्येक खेळाडूची जबाबदारी आहे. आपल्याला रेड-बॉल क्रिकेटमध्ये खूप सुधारणा करावी लागेल. मानसिक दृष्ट्या, तांत्रिक दृष्ट्या किंवा संघासाठी त्याग करण्याच्या बाबतीत. सगळ्यात महत्त्वाचे म्हणजे, गॅलरीसाठी खेळू नये.”

एका वर्षात घरच्या मैदानावर दुसऱ्या कसोटी मालिकेत पराभवामुळे भारताच्या सामर्थ्यावर मोठा प्रश्न उभा राहिला आहे. गेल्या वर्षी न्यूजीलंडने टीम इंडियाला 3-0 ने हरवले होते आणि आता दक्षिण आफ्रिकानेही क्लीन स्वीप केले. अशा परिस्थितीत ही चर्चा जोर धरू लागली आहे की, भारताने आता कसोटी क्रिकेटसाठी वेगळे कोचिंग आणि निवड प्रणाली स्वीकारली पाहिजे का?