भारत विरुद्ध ऑस्ट्रेलिया टी-20 मालिका उद्यापासून सुरू! जाणून घ्या संभाव्य प्लेइंग इलेव्हन आणि खेळपट्टीचा अंदाज

भारत विरुद्ध ऑस्ट्रेलिया (IND vs AUS) टी-20 मालिका उद्या म्हणजेच 29 ऑक्टोबरपासून सुरू होत आहे. पहिला सामना कॅनबेरा येथे खेळला जाईल. भारतीय वेळेनुसार सामना दुपारी 1:45 वाजता थेट प्रक्षेपित होईल. पुढील वर्षी फेब्रुवारी-मार्च 2026 मध्ये होणाऱ्या टी-20 विश्वचषकाच्या दृष्टीने ही मालिका खूप महत्त्वाची मानली जात आहे. ही मालिका 29 ऑक्टोबर ते 8 नोव्हेंबर दरम्यान खेळवली जाईल.

पहिला टी-20 सामना कॅनबेराच्या मनुका ओव्हल मैदानावर होणार आहे. येथील खेळपट्टी साधारणपणे थोडी मंद असते, त्यामुळे धावा करणे सोपे नसते. मात्र, एकदा फलंदाज सेट झाला की त्याला फटके मारणे सोपे होते.
येथील टी-20 आंतरराष्ट्रीय सामन्यांमध्ये पहिल्या डावाचा सरासरी स्कोर सुमारे 144 धावा आहे.

या मैदानावर धावांचा पाठलाग करणे कठीण मानले जाते. त्यामुळे टॉस जिंकणारा कर्णधार प्रथम फलंदाजी करण्याचा निर्णय घेण्याची शक्यता आहे.

भारत विरुद्ध ऑस्ट्रेलिया पहिल्या टी-20 दरम्यान जोरदार पावसाची शक्यता नाही, पण थोडीफार रिमझिम होऊ शकते.
हवामान थंड राहील आणि सामन्यादरम्यान आकाश ढगाळ असण्याची शक्यता आहे.
अशा परिस्थितीत खेळपट्टी गोलंदाजांसाठी अधिक अनुकूल ठरू शकते.

आत्तापर्यंत भारत आणि ऑस्ट्रेलिया यांच्यात 32 टी-20 सामने खेळले गेले आहेत. त्यापैकी 20 सामने भारताने जिंकले, तर 11 सामने ऑस्ट्रेलियाने जिंकले आहेत. एक सामना अनिर्णित राहिला आहे.

भारताची संभाव्य प्लेइंग इलेव्हन: शुबमन गिल, अभिषेक शर्मा, तिलक वर्मा, सूर्यकुमार यादव, संजू सॅमसन, शिवम दुबे, अक्षर पटेल, वॉशिंग्टन सुंदर, हर्षित राणा, जसप्रीत बुमराह, अर्शदीप सिंह

ऑस्ट्रेलियाची संभाव्य प्लेइंग इलेव्हन: मिचेल मार्श (कर्णधार), ट्रॅव्हिस हेड, जोश इंग्लिश, मॅथ्यू शॉर्ट, टिम डेविड, मिचेल ओवेन, मार्कस स्टोइनिस, जेवियर बार्टलेट, नॅथन एलिस, जोश हेजलवूड, तनवीर संघा