मोहनलाल आणि ममूटी यांच्या ‘पॅट्रियट’ने दोन दिवसांत ५० कोटींचा टप्पा ओलांडून जगभरात खळबळ उडवून दिली आहे. सॅकनिल्कनुसार, चित्रपटाने जगभरातून ₹५०.२३ कोटी जमा केले आहेत. परदेशी बाजारपेठेत या चित्रपटाने ₹३१.५० कोटी कमावले असून, प्रदर्शित झाल्यानंतर दुसऱ्या दिवशी ₹१५ कोटी कमावले आहेत.
एबीपी ने दिलेल्या वृत्तानुसार, या चित्रपटाने हिंदुस्थानात एकूण ₹१८.७३ कोटींची कमाई केली आहे. चित्रपटाने पहिल्या दिवशी ₹१० कोटी जमा केले. तथापि, दुसऱ्या दिवशी त्याच्या कमाईत थोडी घट झाली आणि चित्रपटाने ₹६.१५ कोटी कमावले. चित्रपटाचे पहिल्या दिवशी २,६३६ शो आणि दुसऱ्या दिवशी २,३७४ शो होते. रविवारी चित्रपटाच्या कमाईत वाढ होण्याची अपेक्षा आहे. चित्रपटाला उत्कृष्ट प्रतिसाद मिळाला असून, मोहनलाल आणि मामूटी या दोघांच्या जोडगोळीला प्रेक्षकांनीही चांगलीच पसंती दर्शवली आहे. चित्रपटाचा कालावधी २ तास ५७ मिनिटे आहे. मोहनलाल आणि मामूटी यांच्या व्यतिरिक्त, चित्रपटात राजीव मेनन, नयनतारा, फहाद फासिल आणि रेवती आहेत. महेश नारायणन दिग्दर्शित हा चित्रपट फक्त मल्याळममध्ये प्रदर्शित झाला आहे.
हा चित्रपट फक्त मल्याळममध्ये प्रदर्शित झाला आहे. संगीत सुशीन श्याम यांनी दिले आहे. ‘पॅट्रियट’ सोबत ‘राजा शिवाजी’ आणि ‘एक दिन’ सारखे चित्रपटही प्रदर्शित झाले होते. ‘राजा शिवाजी’ला खूप चांगला प्रतिसाद मिळत आहे, तर ‘एक दिन’ बॉक्स ऑफिसवर खराब कामगिरी करताना दिसत आहे.
Comments are closed.