शुबमन गिलच्या नेतृत्वाखाली गुजरात टायटन्स आपला पहिला किताब जिंकण्याच्या प्रयत्नात आहे. आयपीएल 2026 च्या लिलावात गुजरात टायटन्सने सहभाग घेतला आणि अनेक खेळाडूंना आपल्या संघात सामील करून घेतले. संघात अनेक स्टार खेळाडू आहेत. शुबमन गिल व्यतिरिक्त संघात जोस बटलरसारख्या स्फोटक फलंदाजाचा समावेश आहे. चला तर मग, संभाव्य प्लेइंग इलेव्हनवर एक नजर टाकूया.
गुजरात टायटन्सकडून सलामीवीर म्हणून शुबमन गिल आणि साई सुदर्शन यांना संधी मिळू शकते. ही जोडी गेल्या अनेक वर्षांपासून गुजरातसाठी शानदार कामगिरी करत आहे. त्याशिवाय, मधल्या फळीत (Middle Order) जोस बटलर आणि ग्लेन फिलिप्स खिंड लढवताना दिसू शकतात. तर खालच्या मधल्या फळीत (Lower Middle Order) शाहरुख खान, राहुल तेवतिया आणि वॉशिंग्टन सुंदर मोर्चा सांभाळू शकतात.
स्पिन गोलंदाजी विभागामध्ये राशिद खान आणि वॉशिंग्टन सुंदर यांच्या खेळण्याची दाट शक्यता आहे. त्याशिवाय, वेगवान गोलंदाजीची धुरा कगिसो रबाडा, मोहम्मद सिराज आणि प्रसिद्ध कृष्णा सांभाळताना दिसू शकतात. या संघासाठी सिराजने गेल्या हंगामात अत्यंत घातक गोलंदाजी केली होती.
Comments are closed.