विराट कोहलीच्या पाया पडण्याची ‘या’ पंजाबच्या खेळाडूची इच्छा; आयपीएल आधीच जिंकली चाहत्यांची मने

आरसीबीचा सर्वात मोठा सुपरस्टार विराट कोहली बऱ्याच काळानंतर मैदानात परतणार आहे. रॉयल चॅलेंजर्स बेंगळुरूच्या पहिल्या सामन्यासाठी तो एका खास अंदाजात सराव करताना दिसतोय. प्रत्येक युवा गोलंदाजाला त्याची विकेट घेण्याची इच्छा असते. आता पंजाब किंग्सच्या एका युवा गोलंदाजाने विराट कोहलीबद्दल एक मोठी गोष्ट बोलली आहे. आयपीएल २०२६ दरम्यान त्याला विराट कोहलीच्या पाया पडण्याची इच्छा आहे. मात्र, त्याआधी या खेळाडूने जे विधान केले, ते विराटच्या चाहत्यांना कदाचित आवडणार नाही.

​आयपीएल २०२६ च्या मेगा ऑक्शनमध्ये पंजाब किंग्सने युवा फिरकीपटू विशाल निषादला आपल्या संघात सामील केले आहे. या युवा गोलंदाजाने यूपी टी-२० लीगमध्ये स्वतःला सिद्ध केले आहे. सध्या तो पंजाब किंग्सच्या संघासोबत तयारी करत आहे. दरम्यान, विराट कोहलीबद्दल बोलताना विशाल म्हणाला, ‘मी अजून विराट कोहली भैयाला भेटलो नाहीये, पण या सीझनमध्ये आमचा दोनदा सामना होईल आणि जर मी त्याची विकेट घेतली, तर मी त्याच्या पाया पडेल.’ विराट कोहलीने युवा खेळाडूंमध्ये हा आदर कमावला आहे. पंजाब किंग्सचा कर्णधार श्रेयस अय्यर या सीझनमध्ये हरप्रीत बरारच्या जागी निषादला प्लेइंग ११ मध्ये संधी देऊ शकतो. गेल्या काही काळात कोहलीला फिरकीपटूंच्या विरोधात खेळताना अडचणी येत आहेत.

​मागच्या सीझनमध्ये पंजाबच्या संघाने फायनलपर्यंत मजल मारली होती. मात्र, तिथे आरसीबीकडून त्यांना ६ धावांनी पराभव स्वीकारावा लागला होता. या सीझनमध्ये पंजाब किंग्सचा संघ फलंदाजीसोबतच गोलंदाजीतही आक्रमक खेळी करू शकतो. या संघात सध्या अनेक मॅचविनर गोलंदाज दिसत आहेत. अशा परिस्थितीत रिकी पाँटिंग आणि श्रेयस अय्यर यांचा संघ पूर्ण ४० ओव्हरमध्ये आक्रमक राहण्याची रणनीती आखू शकतो. गेल्या १८ वर्षांपासून हा संघ आपल्या पहिल्या ट्रॉफीच्या शोधात आहे.