नेपाळ-चीन सीमेवरील अतिवृष्टी, भूस्खलन आणि महापुराचे संकट कमी झालेले नाही. चीनच्या जलसंपदा मंत्रालयाच्या माहितीनुसार नेपाळमधील चोचेन खोला आणि पुरेपू त्सांगपो नद्यांच्या संगमाजवळ एक मोठे जलाशय तयार झाले आहे. गुरुवार सकाळपर्यंत, अंदाजे २० लाख घनमीटर पाणी जमा झाले होते आणि जलाशय आधीच ओसंडून वाहत आहे. पुढील तीन दिवसांत आणखी ३० लाख घनमीटर पाणी येण्याची शक्यता असून, त्यामुळे जलाशय फुटण्याचा धोका वाढला आहे.
हे ठिकाण नेपाळ-चीन सीमेजवळ, चीनमधील केरुंग काउंटीमध्ये चोचेन नदी आणि पुरेपु चांगपो नदीच्या संगमावर वसलेले आहे. हे नेपाळमधील रसुवागढी तपासणी नाक्यापासून सुमारे २.५ किलोमीटर अंतरावर आहे. चीनच्या जल मंत्रालय तलावातील बदलांवर बारकाईने लक्ष ठेवून आहे आणि संभाव्य धरणफुटीच्या तयारीसाठी व आपत्कालीन बचाव कार्यात मदत करण्यासाठी पुराचे सिम्युलेशन आणि विश्लेषण करत आहे.
भूस्खलन आणि भोटेकोशी नदीच्या पुराच्या पार्श्वभूमीवर, नेपाळ अलीकडच्या काळातील सर्वात मोठ्या नैसर्गिक आपत्तींचा सामना करत आहे. त्यातच आता चीनच्या जल मंत्रालयाने इशारा दिला आहे की, हिमालयीन प्रदेशात दोन नद्यांच्या संगमाजवळ एक सरोवर तयार झाले असून, त्यात इतक्या मोठ्या प्रमाणात पाणी साचले आहे की, जर ते फुटले तर होणारा विनाश आणखी मोठा असेल.
नेपाळमधील चोचेन खोला आणि पुरेपु त्सांगपो नद्यांच्या संगमाजवळ हे सरोवर तयार झाले आहे. या नद्या तिबेटमध्ये उगम पावतात आणि नेपाळमधील त्रिशुली/भोटेकोशी नदी प्रणालीचा भाग आहेत. हा परिसर चीन-नेपाळ सीमेजवळ आणि ग्यिरोंग बंदराच्या वरच्या बाजूस आहे.
गुरुवार सकाळपर्यंत तलावात अंदाजे २० लाख घनमीटर पाणी जमा झाले होते. तलाव आधीच ओसंडून वाहत आहे. पुढील तीन दिवसांत आणखी ३० लाख घनमीटर पाणी येण्याची शक्यता असून, त्यामुळे एकूण पाणी ५० लाख घनमीटर होईल. यामुळे धरण फुटण्याचा मोठा धोका निर्माण झाला आहे. जर हे नैसर्गिक धरण फुटले, तर त्यामुळे अचानक पूर येऊ शकतो, ज्यामुळे नदीच्या खालच्या बाजूला, म्हणजेच ग्यिरोंग बंदर आणि नेपाळच्या दिशेने, विनाशकारी विध्वंस होऊ शकतो.
ग्लोबल टाइम्समधील एका वृत्तानुसार, चीनच्या जलसंपदा मंत्रालयाने एक महत्त्वाचा इशारा जारी केला असून सतर्कतेची घोषणा केली आहे. चिनी अधिकारी आपत्कालीन बचाव कार्यात मदत करण्यासाठी आणि नदीच्या खालच्या बाजूला अचानक धरण फुटण्याचा धोका कमी करण्यासाठी पुराचे प्रत्यक्ष सराव (रिअल-टाइम सिम्युलेशन) करत आहेत.
Comments are closed.