तिसऱ्या टी-20 सामन्यात भारतीय संघाने दक्षिण आफ्रिकेचा 7 विकेट्सने पराभव केला. टीम इंडियाची प्रत्येक चाल योग्य ठरली. संघाने सामना जिंकून मालिकेत 2-1 अशी आघाडी घेतली. प्रथम फलंदाजी करताना दक्षिण आफ्रिकेला फक्त 117 धावा करता आल्या. भारताने लक्ष्याचा पाठलाग तुलनेने सहज केला. अर्शदीप सिंगने शानदार गोलंदाजी केली, डावाच्या सुरुवातीला विकेट्स घेत दक्षिण आफ्रिकेचा कणा मोडला. अभिषेक शर्मा आणि तिलक वर्मा यांनीही चांगली फलंदाजी केली.
तिसऱ्या टी-20 सामन्यात भारताची सलामी जोडी अभिषेक शर्मा आणि शुभमन गिल होती. त्यांनी पहिल्या विकेटसाठी 60 धावांची भागीदारी करून विजयाचा पाया रचला. अभिषेकने 18 चेंडूत 35 धावा केल्या, ज्यात तीन चौकार आणि तीन षटकारांचा समावेश होता. तिसऱ्या क्रमांकावर फलंदाजी करणाऱ्या तिलक वर्मानेही जोरदार फलंदाजी केली, 34 चेंडूत तीन चौकारांसह 25 धावा केल्या आणि नाबाद राहिला. यासह त्याने टी-20 क्रिकेटमध्ये आपले 4000 धावा पूर्ण केले आहेत.
तिलक वर्माने त्याच्या 125व्या डावात 4000 टी-20 धावा पूर्ण केल्या. यासह त्याने शुभमन गिल आणि विराट कोहलीला मागे टाकले. गिलने 129 डावात टी-20 क्रिकेटमध्ये 4000 धावा पूर्ण केल्या, तर विराट कोहलीने 138 डावात. तिलकपेक्षा फक्त ऋतुराज गायकवाड (116 डाव) आणि केएल राहुल (117 डाव) यांनी टी-20 क्रिकेटमध्ये जलद 4000 धावा पूर्ण केल्या आहेत.
टी-20 क्रिकेटमध्ये सर्वात जलद 4000 धावा पूर्ण करणारे भारतीय फलंदाज:
116 डाव – ऋतुराज गायकवाड
117 डाव – केएल राहुल
125 डाव – तिलक वर्मा
129 डॉ – शुभमन गिल
138 डाव – विराट कोहली
तिलक वर्माने 2023 मध्ये भारतीय संघासाठी टी-20 आंतरराष्ट्रीय क्रिकेटमध्ये पदार्पण केले आणि तेव्हापासून तो संघातील एक महत्त्वाचा खेळाडू आहे. त्यांने 39 टी-20 सामन्यांमध्ये एकूण 1110 धावा केल्या आहेत, ज्यात दोन शतके आणि पाच अर्धशतकांचा समावेश आहे. त्याने आयपीएलमध्ये मुंबई इंडियन्सकडून एकूण 1499 धावा केल्या.
Comments are closed.