अमेरिकेने भारतावर 25% टॅरिफ लादला, दागिन्यांपासून औषधांपर्यंत काय काय महागणार?, A टू Z माहिती

यूएस दर: अमेरिकेचे राष्ट्राध्यक्ष डोनाल्ड ट्रम्प यांनी बुधवारी भारतावर 25% कर लादण्याचा निर्णय घेतला .यावेळी ब्रिक्स गट आणि नवी दिल्ली सोबतच्या मोठ्या व्यापार तुटीचा त्यांनी उल्लेख केला .यासोबत त्यांनी अमेरिका सध्या भारताशी चर्चा करत असल्याचेही सांगितलं . व्हाईट हाऊसमध्ये बोलताना राष्ट्राध्यक्ष ट्रम्प यांनी सांगितलं,’ आम्ही सध्या चर्चा करत आहोत आणि यामध्ये ब्रिक्सचा मुद्दा देखील समाविष्ट आहे . ‘ ते पुढे म्हणाले की ब्रिक्स हा मुळात अमेरिका विरोधी देशांचा गट आहे आणि भारत त्याचा सदस्य आहे .अमेरिकन चलनावर झालेला हा हल्ला आहे त्यामुळे कोणालाही असे वागण्याची परवानगी दिली जाणार नाही “

व्यापार तुटीचा संदर्भ नेमका काय ?

रशियाकडून कच्चे तेल आणि लष्करी उपकरणे खरेदी करण्यावर अतिरिक्त दंडाची घोषणाही राष्ट्राध्यक्ष ट्रम्प यांनी केली . त्यांनी सांगितले हा निर्णय अंशतः ब्रिक्समुळे घेण्यात आला आहे . आणि व्यापार तुटीची यात मोठी भूमिका आहे .ते म्हणाले,’ तुम्हाला माहिती आहेच पंतप्रधान मोदी माझे मित्र आहेत, परंतु व्यापाराच्या बाबतीत ते आमच्याशी फारसे संबंधित नाहीत “

भारतावर या टॅरिफ कराचा काय परिणाम होईल ?

भारतातून आयात होणाऱ्या वस्तूंवर 25 टक्के कर लादल्याने अमेरिकेत स्मार्टफोन कपडे ऑटो पार्ट्स आणि रत्न आणि दागिन्यांसारख्या वस्तू महाग होतील .राय रॉयटर्सने दिलेल्या वृत्तानुसार, भारत अमेरिकेला पूर्वत असलेल्या प्रमुख वस्तूंमध्ये स्मार्टफोन, ऑटोमॅटिव्ह घटक , पॉलिश केलेले हिरे, तयार कपडे आणि औषधे यांचा समावेश आहे .त्यामुळे आता अमेरिकन ग्राहकांना आणि कंपन्यांना या आवश्यक वस्तूंसाठी पूर्वीपेक्षा जास्त पैसे मोजावे लागतील .

काउंटर पॉईंट रिसर्च च्या अलीकडील विश्लेषणात असे म्हटले आहे की भारत स्मार्टफोन उत्पादनासाठी एक प्रमुख केंद्र बनला आहे .अनेक मध्यम श्रेणीच्या अँड्रॉइड फोन आणि एप्पल सारख्या अमेरिकन ब्रँडचे फोन देखील भारतात तयार केले जात आहेत .अशा परिस्थितीत भारतातून होणाऱ्या आयातीवर पंचवीस टक्के कर लादल्याने या वस्तू अमेरिकन ग्राहकांसाठी महाग होतील .असोसिएट प्रेस आणि येल बजेट लॅबच्या अंदाजानुसार, ठाकर लागू केल्याने अमेरिकेत या उत्पादनांच्या किमती सुमारे 17 टक्क्यांनी वाढू शकतात .

गेल्या वर्षी भारतातून कोणत्या वस्तूंची निर्यात झाली ?

गेल्या वर्षी 2023 -24 ही आर्थिक वर्षात अमेरिकेत 17.2 अब्ज डॉलर्स किमतीची यंत्रसामग्री आणि विद्युत उपकरणे निर्यात करण्यात आली .यावर 0.6% कर भरावा लागला .9.9 अब्ज डॉलर्स किमतीचे दागिने निर्यात करण्यात आले .त्यावर 24% कर लावण्यात आला .भारतातून अमेरिकेत 9.6 अब्ज डॉलर्स किमतीचे कपडे निर्यात करण्यात आले .यावर 9% कर लावण्यात आला होता .यासोबत 8.1 अब्ज डॉलर्स किमतीची औषधे अमेरिकेत निर्यात करण्यात आली .ज्यावर कोणताही कर भरावा लागला नाही . 4.8 अब्ज डॉलर्स किमतीच्या रसायनांवर 2.5% एवढा कर होता .

2023 24 मध्ये भारतातून सहा अब्ज डॉलर्स किमतीच्या खनिज उत्पादनांची निर्यात करण्यात आली .ज्यावर 6.4% करा करण्यात आला होता .याशिवाय 2.1 अब्ज डॉलर्स किमतीच्या प्राण्यांच्या उत्पादनांच्या निर्यातीवर 0.6% कर लादण्यात आला होता .0.5 अब्ज डॉलर्स किमतीच्या विमानांची निर्यात भारतातून अमेरिकेत झाली होती .ज्यावर 1.8 % कर, तर 0.4 अब्ज डॉलर्सच्या शूजची निर्यात करण्यात आली होती यावर 5.8% कर आकारण्यात आला होता .

आणखी वाचा