तुळजभवन मंदिर: श्रीतुळजाभवानी मंदिर संस्थान येथे मद्यपान करून गोंधळ घालत तोडफोड करणाऱ्या पुजारी अनुप कदमवर मंदिर संस्थानने कडक कारवाई केली आहे. त्याला 3 वर्षांची मंदिर प्रवेशबंदी करण्यात आली आहे. मंदिर संस्थानने गैरवर्तनामुळे नोटीस दिल्याचा राग मनात धरुन अनुप कदमने मद्यपान करून मंदिर संस्थान कार्यालायमध्ये येऊन तहसीलदार तथा व्यवस्थापक यांच्या नावे शिवीगाळ करत, धक्काबुक्की करत काचेची तोडफोड केली होती.
दरम्यान, या प्रकरणी तुळजापूर पोलीस स्टेशन येथे गुन्हा दाखल करण्यात आलेला आहे. याशिवाय 12 मे रोजीच्या मंदिर संस्थान कडून आलेल्या कारणे दाखवा नोटीशीला कोणतेही उत्तर अनुप कदम यांनी दिले नाही. या सर्व बाबी विचारात घेऊन मंदिर संस्थानने सुरक्षा रक्षकांशी वाद घालणे, शिवीगाळ करणे, धक्काबुक्की करणे, तुळजाभवानी मंदिर संस्थानच्या मालमत्तेचे नुकसान करणे हे सर्व वर्तन अतिशय गंभीर स्वरूपाचे असून पुजारी व्यवसायास न शोभणारे असल्याचे स्पष्ट करत सदर प्रकरणी जबाबदार धरून देऊळ कवायत कायदा कलम 24 व 25 अन्वये पुढील 3 वर्षांकरिता मंदिर प्रवेशबंदीचा आदेश पारित करत कडक कारवाई केली आहे.
लाखो भाविकांचे श्रद्धास्थान असलेले तुळजापूरचे तुळजाभवानी मंदिर गेल्या काही दिवसांपासून विविध कारणांनी चर्चेत आहे. तुळजाभवानी मंदिरातील ब्रह्मदेवाच्या मूर्तीला तडे गेल्याचा धक्कादायक प्रकार समोर आला आहे याप्रकरणी मंदिराचे विश्वस्त तसेच महंत यांच्यावर गुन्हा दाखल करण्याची मागणी केली जात आहे. अशातच आता तुळजापूर मंदिर संस्थानाच्या कार्यालयात दारु पिऊन धिंगाणा घातल्याचा धक्कादायक प्रकार समोर आला आहे. आता प्रकरणारी पुजारी अनुप कदमवर मंदिर संस्थानने कडक कारवाई केली आहे. पुजाऱ्याला 3 वर्षांची मंदिर प्रवेशबंदी करण्यात आली आहे.
अधिक पाहा..
Comments are closed.