US Plane Crash – अमेरिकेत पुन्हा विमान अपघात, सॅन दिएगोमध्ये लहान विमान कोसळल्याने 15 घरांना आग

अमेरिकेत पुन्हा एकदा विमान अपघाताची घटना घडली आहे. सॅन दिएगो परिसरात गुरुवारी एक लहान विमान कोसळले. निवासी परिसरात विमान कोसळल्याने सुमारे 15 घरांना आग लागली. फेडरल एव्हिएशन अॅडमिनिस्ट्रेशन (FAA) ने दिलेल्या माहितीनुसार, सेस्ना 550 हे विमान मॉन्टगोमेरी-गिब्स एक्झिक्युटिव्ह विमानतळाजवळ कोसळले. विमानात किती लोक होते? याबाबत अद्याप माहिती मिळू शकली नाही.

आमच्याकडे सर्वत्र जेट इंधन आहे. या सर्व घरांचा शोध घेणे आणि नागरिकांना सुखरुप बाहेर काढणे हे आमचे मुख्य ध्येय आहे, असे सहाय्यक अग्निशमन प्रमुख डॅन एडी यांनी सांगितले. घटनेच्या वेळी दृश्यमानता अत्यंत कमी होती असे, एडी यांनी नमूद केले.