ट्रम्प काही हटेना मोदींचा पिच्छा सुटेना! पुन्हा म्हणाले युद्ध थांबवण्यासाठी मोदी सकारात्मक होते

पहलगाम येथे पर्यटकांवर झालेल्या हल्ल्यानंतर हिंदुस्थानने पाकिस्तानात एअर स्ट्राईक करत दहशतवाद्यांचे तळ उद्ध्वस्त केले. त्यानंतर दोन्ही देशांत युद्ध होणार अशी परिस्थिती असतानाच अचानक हिंदुस्थान व पाकिस्तानमध्ये युद्धबंदी जाहीर झाली. युद्धबंदीसाठी पाकिस्तानने विनंती केल्याचे सांगण्यात आले होते. तर अमेरिकेचे राष्ट्राध्यक्ष डोनाल्ड ट्रम्प यांनी हिंदुस्थान पाकिस्तानमध्ये मी व्यापाराची अट टाकून युद्धबंदी घडवून आणल्याचा दावा केला.

#वॉच | पाकिस्तानी सैन्य प्रमुख असीम मुनिर यांच्याशी झालेल्या त्यांच्या बैठकीबद्दल विचारले असता अमेरिकेचे अध्यक्ष डोनाल्ड ट्रम्प म्हणतात, “मी युद्ध थांबवले. मला पाकिस्तान आवडते. मला वाटते की मोदी एक विलक्षण माणूस आहे. मी काल रात्री त्यांच्याशी बोललो. आम्ही पंतप्रधान मोदी यांच्याशी व्यापार करार करणार आहोत. मी युद्ध थांबवले. मी युद्ध थांबविले… pic.twitter.com/rohoyp5h28

– वर्षे (@अनी) 18 जून, 2025

डोनाल्ड ट्रम्प यांनी गेल्या महिनाभरात अनेकदा ही युद्धबंदी त्यांच्यामुळे झाल्याचा दावा केला. मात्र हिंदुस्थानकडून एकदाही हा दावा फेटाळण्यात आलेला नाही. सध्या पाकिस्तानचे लष्कर प्रमुख अशीम मुनीर हे अमेरिका दौऱ्यावर असून त्यांनी डोनाल्ड ट्रम्प यांची भेट देखील घेतली.

पत्रकारांनी डोनाल्ड ट्रम्प यांना अशीम मुनीर यांच्याबद्दल विचारले. त्यावेळी ते म्हणाले. ”मला पाकिस्तान आवडतो. नरेंद्र मोदी हे एक प्रतिभाशाली व्यक्तिमत्तव आहे. मी काल रात्री त्यांच्याशी बोललो. आम्ही व्यापाराशी संबंधित एक डिल करणार आहोत. मी हिंदुस्थान पाकिस्तानमधील युद्ध थांबवलं. पाकिस्तानकडून अशीम मुनीर आणि हिंदुस्थानकडून नरेंद्र मोदी हे दोघे युद्ध थांबवण्यासाठी उत्साही होते. मी या दोन देशांमधील युद्ध थांबवले”, असे डोनाल्ड ट्रम्प म्हणाले.