मास्टरशेफ इंडिया सीझन 9; अजिंक्य आणि विक्रम गंधे मास्टरशेफ इंडिया 9 चे बनले विजेते – Tezzbuzz

मास्टरशेफ इंडिया सीझन 9 सुरु होते आणि आता यांचे विजेते जाहिर झाले आहेत. तर हे विजेते आहेत नागपूर येथील विक्रम गंधे आणि अजिंक्य गंधे. यांनी शोमध्ये उल्लेखनीय कामगीरी केली. या शोचा  ग्रँड फिनाले एपिसोड शुक्रवार, 6 मार्च रोजी  सोनीलिव्हवर प्रसारित झाला. विक्रम गंधे आणि अजिंक्य गंधे हे कॅफे चालवतात. तर या शो मध्येही  उत्कृष्ट टीमवर्कने परीक्षकांना प्रभावित केले. तर त्यांना ट्रॉफी आणि एप्रनसह, त्यांना 25 लाख रुपये देखील मिळाले.

त्यांच्या अनोख्या पाककृतीमुळे दोन्ही भाऊ लवकरच परीक्षकांचे आवडते बनले, त्यांना केवळ त्यांच्या स्वयंपाक कौशल्यासाठीच नव्हे तर त्यांच्या सकारात्मक वृत्तीसाठी देखील प्रशंसा मिळाली. ते अंतिम फेरीत पोहोचणारे पहिले स्पर्धक होते. त्यांच्या अंतिम मेनूने त्याची संकल्पना, चव दोन्हीने परीक्षकांना प्रभावित केले. त्यांच्या कामगिरीने त्यांना विजेतेपद जिंकण्यास आणि मास्टरशेफ इंडिया सीझन 9 चा ट्रॉफी महाराष्ट्राचे ऑरेंज सिटी म्हणून ओळखल्या जाणाऱ्या नागपूरला आणण्यास मदत केली.

मास्टरशेफ इंडिया सीझन 9 दरम्यान, भावांना विक्रम गंधे आणि अजिंक्य गंधे यांना प्रचंड पाठिंबा मिळाला. त्यांच्या नागपूरकर चाहत्यांनी त्यांचा विजय साजरा केला आणि सोशल मीडियावर त्यांना पाठिंबा दिला, संपूर्ण स्पर्धेत त्यांचा जयजयकार केला. महाराष्ट्राचे परिवहन मंत्री नितीन गडकरी यांनीही यापूर्वी सोशल मीडियावर भावांचे अभिनंदन केले होते. त्यांनी त्यांच्या यशाचे कौतुक केले आणि नागपूरसाठी हा अभिमानाचा क्षण असल्याचे म्हटले.

या शोचा सीझन 9 जानेवारीमध्ये सुरू झाला होता तर यामध्ये एक नवीन जोडी फॉरमॅट सादर केला, ज्यामध्ये कुटुंबातील सदस्यांनी जोड्यांमध्ये एकत्र स्पर्धा केली. या शोचे परीक्षण प्रसिद्ध शेफ विकास खन्ना, रणवीर ब्रार आणि कुणाल कापूर (Kapoor)यांनी केले. संपूर्ण सीझनमध्ये, स्पर्धकांना पारंपारिक भारतीय चव आधुनिक, सर्जनशील पद्धतीने सादर करण्याचे आव्हान देण्यात आले. भाऊ विक्रम गंधे आणि अजिंक्य गंधे यांच्यासोबत, इतर अंतिम फेरीत बहिणी अंजू प्रधान आणि मंजू ओझा आणि आई-मुलीची जोडी चंदना आणि साई श्री राचकोंडा होत्या.

दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा

हेही वाचा

या अभिनेत्याने 500 हून अधिक चित्रपटांमध्ये केले काम, तर 71 व्या वर्षीही दिसतात फिट्ट