बॉलिवूडचे महानायक अमिताभ बच्चन (Amitabh Bachchan) पुन्हा एकदा चर्चेत आले आहेत. यावेळी ते कोणत्या चित्रपटामुळे नाही तर अयोध्येत केलेल्या मोठ्या गुंतवणुकीमुळे चर्चेत आहेत. बिग बींनी रामनगरी अयोध्या येथे सुमारे ३५ कोटी रुपयांना २.६७ एकर जमीन खरेदी केली आहे. या जमिनीची नोंदणी नुकतीच पूर्ण झाली आहे.
कंपनीची उपकंपनी असलेल्या ‘हाऊस ऑफ अभिनंदन लोढा’ ने सांगितले की, ही जमीन सरयू नदीजवळ विकसित होत असलेल्या एका आलिशान जमीन प्रकल्पाच्या शेजारी आहे. हा संपूर्ण व्यवहार एबी कॉर्प लिमिटेडचे व्यवस्थापकीय संचालक राजेश यादव यांच्यामार्फत पूर्ण झाला. यापूर्वी, जानेवारी २०२४ मध्ये, अमिताभ बच्चन यांनी HOABL च्या “द सरयू” या प्रकल्पात जमीन खरेदी केली होती. अयोध्येत अमिताभ बच्चन यांची ही तिसरी गुंतवणूक आहे.
राम मंदिराच्या बांधकामानंतर, अयोध्येतील पर्यटनात सातत्याने वाढ, सुधारित कनेक्टिव्हिटी आणि जलद पायाभूत सुविधांच्या विकासामुळे मोठ्या प्रमाणात गुंतवणूकदार आणि सेलिब्रिटी येथे गुंतवणूक करण्यास उत्सुक आहेत. अमिताभ बच्चन यांच्या गुंतवणुकीबद्दलही बरीच चर्चा होत आहे.
कामाच्या बाबतीत बोलायचे झाले तर, अमिताभ बच्चन यांनी नुकतेच त्यांच्या आगामी ‘कल्की २८९८ एडी’ या चित्रपटाच्या सिक्वेलचे शूटिंग सुरू केले आहे. या चित्रपटात प्रभास आणि कमल हासन देखील मुख्य भूमिकेत दिसणार आहेत. बिग बी शेवटचे २०१४ मध्ये प्रदर्शित झालेल्या ‘वेट्टाय्यां’ चित्रपटात दिसले होते. या चित्रपटात ते रजनीकांत यांच्यासोबत मुख्य भूमिकेत दिसले होते.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
‘भागम भाग २’च्या शूटिंगवर राज शांडिल्य यांची मोठी अपडेट; एकता कपूरच्या लीगल नोटीसला दिल उत्तर
Comments are closed.