बॉलिवूड अभिनेता अर्जुन कपूरबद्दल (Arjun Kapoor) एक मोठी बातमी समोर आली आहे. रिपोर्ट्सनुसार, अभिनेत्याला त्याच्या आगामी ‘मेरे हसबंड की बीवी’ या चित्रपटाच्या सेटवर दुखापत झाली आहे. अभिनेत्यासोबत सेटवरील इतर अनेक लोकही जखमी झाले. मिळालेल्या माहितीनुसार, अभिनेता ‘मेरे हसबंड की बीवी’ चित्रपटातील एका गाण्याचे शूटिंग करत होता. म्हणूनच त्याच्यासोबत हा अपघात झाला.
अर्जुन कपूरच्या ‘मेरे हसबंड की बीवी’ या चित्रपटाचे शूटिंग रॉयल पाम्सच्या इम्पीरियल पॅलेसमध्ये सुरू होते. इथे अभिनेता एका गाण्याचे चित्रीकरण करत होता. त्यानंतर अचानक सेटचे छत कोसळले आणि त्यामुळे अभिनेता जखमी झाला. वृत्तानुसार, अर्जुन कपूरसह अभिनेता-चित्रपट निर्माते जॅकी भगनानी आणि दिग्दर्शक मुदस्सर अझीझ हे देखील या अपघातात जखमी झाले आहेत.
फेडरेशन ऑफ वेस्टर्न इंडिया सिने एम्प्लॉईज (FWICE) चे कर्मचारी अशोक दुबे यांनी या घटनेवर उघडपणे भाष्य केले. तो म्हणाला की, ‘जेव्हा गाण्याचे चित्रीकरण सुरू होते, तेव्हा सेट त्याच्या बेसमुळे हादरू लागला. याचा छतावरही परिणाम झाला आणि ते अचानक खाली पडले. या अपघातात अशोक दुबे यांच्या डोक्याला आणि हाताला दुखापत झाली. तसेच अर्जुन आणि जॅकी जखमी झाले आहेत.
या चित्रपटात अर्जुन कपूरसोबत अभिनेत्री भूमी पेडणेकर देखील दिसणार आहे. त्यांच्या प्रेम त्रिकोणावर आधारित हा चित्रपट २०२५ मध्ये थिएटरमध्ये प्रदर्शित होणार आहे. दोन दिवसांपूर्वी अभिनेता सैफ अली खान देखील अपघाताचा बळी ठरला होता. एका माणसाने त्याच्या घरात घुसून अभिनेत्यावर चाकूने हल्ला केला.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
के एल सेहगल होते भारताचे पहिले पार्श्वगायक; या चित्रपटानंतर बदलले होते नशीब …
या अभिनेत्रींसोबत सैफची जोडी ठरली सुपरहिट; करीना नव्हे करिष्माचा यादीत समावेश …
Comments are closed.