आता ओटीटी प्लॅटफॉर्मवर सर्व प्रकारच्या मालिका आणि चित्रपट उपलब्ध आहेत. सत्य घटनेवर आधारित असलेली आणि नुकतीच प्रदर्शित झालेली मालिका सध्या प्रचंड लोकप्रिय होत आहे. तर या मालिकाचे नाव भय: द गौरव तिवारी मिस्ट्री हे आहे. गौरव तिवारी यांच्या जीवनावर आणि त्यांच्या गूढ मृत्यूवर आधारित आहे. तर या मालिकेला समीक्षकांकडूनही सकारात्मक प्रतिसाद मिळत आहे.
“भय: द गौरव तिवारी मिस्ट्री” ची सुरुवात एका शवगृहातील एका दृश्याने होते, जिथे अलौकिक तज्ञ गौरव तिवारी यांचे शवविच्छेदन सुरू आहे. सुरुवातीला पोलिस ही आत्महत्या असल्याचे गृहीत धरतात, परंतु त्याच्या मानेवर आढळलेल्या खुणा संपूर्ण प्रकरणाला एका नवीन दिशेने घेऊन जातात. दरम्यान, कथेत एक नवीन पात्र प्रवेश करते: एक लेखक जो गौरव तिवारीच्या जीवनावर पुस्तक लिहू इच्छितो आणि ही कथा फ्लॅशबॅकमध्ये जाते. त्यानंतर कथा गौरव तिवारीच्या अलौकिक तज्ञ होण्यापूर्वीच्या आयुष्याकडे वळते.
मालिकेच्या फ्लॅशबॅकमध्ये गौरव पायलट होण्याची आकांक्षा कशी बाळगत होता हे दाखवले आहे, परंतु एके दिवशी, उड्डाण करताना, त्याच्यासोबत असे काहीतरी घडते जे त्याचे जीवन वेगळ्या दिशेने घेऊन जाते, ज्यामुळे तो पायलटमधून तज्ञ बनण्याचा निर्णय घेतो. त्याच्या निर्णयानंतर, तो इंडियन पॅरानॉर्मल सोसायटीमध्ये सामील होतो आणि एका नवीन प्रवासाला सुरुवात करतो.
यामध्ये कल्कि (Kalki)कोचलिन, दानिश सूद, सलोनी बत्रा, शुभम चौधरी आणि निमिषा नायर यांच्याही महत्त्वाच्या भूमिका आहेत. रॉबी ग्रेवाल यांनी या भयपट मालिकेचे दिग्दर्शन केले आहे. ही मालिका 12 डिसेंबर 2025 रोजी प्रदर्शित झाली आणि IMDb वर तिला 8.8 रेटिंग मिळाले आहे.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
भारती सिंगच्या 2 महिन्यांच्या मुलाला दिली पहिली लस, ते पाहून भारती सिंग झाली भावुक
Comments are closed.