बॉलिवूडचा एनर्जेटिक सुपरस्टार रणवीर सिंग (रणवीर सिंग)सध्या त्याच्या नुकत्याच प्रदर्शित झालेल्या थ्रिलर चित्रपट ‘धुरंधर’च्या जबरदस्त यशाचा आनंद घेत आहे. बॉक्स ऑफिसवर विक्रमी कमाई करत ‘धुरंधर’ने ब्लॉकबस्टर ठरल्याचं सिद्ध केलं आहे. या यशानंतर रणवीरचे चाहते आता त्याच्या आगामी चित्रपटांची आतुरतेने वाट पाहत आहेत. 2026 मध्ये रणवीर सिंह एकाहून एक धमाकेदार चित्रपटांत झळकणार असून, त्यात अॅक्शन, थ्रिलर आणि सर्व्हायव्हल ड्रामा यांचा समावेश आहे. जाणून घेऊया रणवीरच्या आगामी चित्रपटांबद्द..
‘धुरंधर 2’- ‘धुरंधर’च्या जबरदस्त यशानंतर आता त्याचा सिक्वेल ‘धुरंधर 2’ प्रेक्षकांच्या भेटीला येणार आहे. पहिल्या भागाची कथा पुढे नेणारा हा चित्रपट आधीच शूट झाला असून, 19 मार्च 2026 रोजी तो सिनेमागृहात रिलीज होणार आहे. या भागात रणवीर सिंह अधिक इंटेन्स आणि अॅक्शन-पॅक्ड अवतारात दिसणार असून, त्याचा सूडाचा चेहराही पाहायला मिळणार आहे.
‘डॉन 3’- प्रसिद्ध ‘डॉन’ फ्रँचायझीचा तिसरा भाग ‘डॉन 3’ रणवीर सिंहसाठी मोठा टर्निंग पॉइंट ठरणार आहे. याआधी हा आयकॉनिक रोल अमिताभ बच्चन आणि शाहरुख खान यांनी साकारला होता. आता रणवीर सिंह ‘डॉन’च्या भूमिकेत झळकणार आहे. या चित्रपटाचं दिग्दर्शन फरहान अख्तर करणार असून, शूटिंग 2026 च्या सुरुवातीला सुरू होण्याची शक्यता आहे. हा चित्रपट जबरदस्त अॅक्शन थ्रिलर असणार आहे.
‘प्रलय’ – मीडिया रिपोर्ट्सनुसार, ‘प्रलय’ हा रणवीर सिंहचा आजवरचा सर्वात वेगळा आणि महत्त्वाकांक्षी प्रोजेक्ट असू शकतो. हा चित्रपट पोस्ट-अपोकॅलिप्टिक झॉम्बी थ्रिलर असून, जगाच्या अंतासारख्या परिस्थितीत माणसाच्या जगण्यासाठी चाललेल्या संघर्षाची कथा मांडली जाणार आहे. झॉम्बी आउटब्रेकनंतर समाज, भावना आणि नैतिकतेचं होत असलेलं विघटन या चित्रपटात दाखवण्यात येणार आहे. या चित्रपटाद्वारे जय मेहता (हंसल मेहता यांचे पुत्र) दिग्दर्शनात पदार्पण करत आहेत.
‘बैजू बावरा’- मीडिया रिपोर्ट्सनुसार, ‘बैजू बावरा’ या चित्रपटाचं दिग्दर्शन दिग्गज दिग्दर्शक संजय लीला भन्साळी करणार आहेत. या चित्रपटात रणवीर सिंह एका अगदी वेगळ्या भूमिकेत दिसणार आहे. संजय लीला भन्साळी आणि रणवीर सिंह यांचा हा चौथा एकत्रित प्रोजेक्ट असणार आहे. याआधी दोघांनी ‘रामलीला’, ‘बाजीराव मस्तानी’ आणि ‘पद्मावत’मध्ये एकत्र काम केलं आहे.
‘रॉकी आणि राणी की प्रेम कहानी 2’- मीडिया रिपोर्ट्सनुसार, ‘रॉकी आणि राणी की प्रेम कहानी 2’ मध्येही रणवीर सिंह झळकू शकतो. पहिला भाग प्रेक्षकांना प्रचंड आवडला होता, त्यामुळे दुसऱ्या भागाची जोरदार मागणी होत आहे. सोशल मीडियावरही या सिक्वेलची बरीच चर्चा सुरू असून, रणवीर पुन्हा एकदा ‘रॉकी’च्या भूमिकेत दिसण्याची शक्यता आहे.एकूणच, ‘धुरंधर’च्या यशानंतर रणवीर सिंहचा 2026 हे वर्ष पूर्णपणे गाजवण्याची तयारी असल्याचं स्पष्ट होत आहे.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
बॉक्स ऑफिस कलेक्शन: ‘धुरंधर’समोर ‘अवतार: फायर एंड ऐश’ची काय अवस्था? जाणून घ्या इतर चित्रपटांची कमाई
Comments are closed.