रविवारी सकाळी युट्यूबर, अभिनेता आणि सोशल मीडिया इन्फ्लुएंसर एल्विश यादव (Elvish Yadav) यांच्या गुरुग्राम येथील घरावर कोणीतरी गोळीबार केला. वृत्तानुसार, एल्विशच्या घरी एकामागून एक २४ गोळ्या झाडण्यात आल्या. अचानक घडलेल्या या घटनेमुळे त्यांचे संपूर्ण कुटुंब हादरले आहे. दरम्यान, त्यांच्या घराचा आतील व्हिडिओ समोर आला आहे. ज्यामध्ये दारे आणि भिंतींवर गोळ्यांचे निशाण दिसत होते.
एल्विश यादव यांच्या घराचा हा व्हिडिओ युट्यूबरच्या फॅन पेजवर शेअर करण्यात आला आहे. व्हिडिओमध्ये घराच्या दारे आणि भिंतींवर गोळ्यांचे निशाण दिसले. जे खूप भयानक आहे. हा व्हिडिओ शेअर करताना लिहिले होते की, ‘त्याचे संपूर्ण कुटुंब सुरक्षित आहे..’ पण युट्यूबरच्या घरातून हा व्हिडिओ पाहून त्यांचे चाहते हैराण झाले आहेत. कमेंट सेक्शनमध्ये ते एल्विशला खंबीर राहण्याचा सल्ला देत आहेत.
मिळालेल्या माहितीनुसार, भाऊ गँगने एल्विशच्या घरावर झालेल्या गोळीबाराची जबाबदारी घेतली आहे. भाऊ गँगचे नीरज फरीदपूर आणि भाऊ रीतुलिया यांनी एक पोस्ट शेअर करून म्हटले आहे की, ‘एल्विश यादवने बेटिंग अॅपचा प्रचार करून अनेक घरे उध्वस्त केली आहेत. एल्विशला याची किंमत मोजावी लागेल.’
एल्विश यादव आता केवळ यूट्यूबवरच नव्हे तर टीव्ही आणि ग्लॅमरस जगातही एक प्रसिद्ध चेहरा बनला आहे. तो दरमहा लाखो रुपये कमावतो. त्याने नुकतेच गुरुग्राममध्ये हे आलिशान घर बांधले आहे. ते १६ बीएचके आहे. ज्याचे इंटीरियर आणि फर्निचर खूप आलिशान आणि भव्य आहे. त्याची किंमत १० कोटी रुपये असल्याचे सांगितले जाते. याशिवाय, दुबईमध्ये त्याचे ८ कोटी रुपयांचे घर देखील आहे.
एल्विशच्या घरावर झालेल्या या हल्ल्याची सध्या पोलिस चौकशी करत आहेत. त्याचबरोबर, युट्यूबरने पोलिसांच्या तपासावर विश्वास व्यक्त केला आहे. एल्विशच्या घरावर हल्ला करणाऱ्या हल्लेखोरांचे सीसीटीव्ही फुटेजही समोर आले आहे. त्यात एक व्यक्ती दुचाकीवरून दूर उभा असल्याचे आणि दोन हल्लेखोर घराच्या गेटसमोर उभे असल्याचे दिसून आले. घटनेच्या वेळी एल्विश घरी नव्हता. पण त्याचे कुटुंब तिथे होते.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
महागड्या गाड्या, आलिशान बंगला… एल्विश यादवची संपत्ती ऐकून तुमचेही डोळे होतील पांढरे
कुलीचा प्रीमियर पाहण्यासाठी आलेल्या श्रुती हासनला सिक्युरिटीने अडवले; अभिनेत्री म्हणाली, “अरे, मी चित्रपटाची हिरोईन आहे…’
Comments are closed.