कचऱ्याच्या डब्यात हिरा शोधताना दिसली सुपरस्टार गायिका; स्वतःचा व्हिडिओ शेअर करत म्हणाली – नशिबच खराब आहे – Tezzbuzz

बॉलिवूडची सुपरस्टार गायिका मोनाली ठाकूर (मोनाली ठाकूर)आपल्या गाण्यांसोबतच सोशल मीडियावरही कायम चर्चेत असते. इंस्टाग्रामवर तिला 28 लाखांहून अधिक फॉलोअर्स आहेत. नुकतेच मोनालीचा एक भन्नाट आणि मजेशीर व्हिडिओ सोशल मीडियावर व्हायरल होत आहे, ज्यामध्ये ती कचऱ्याच्या डब्यात आपली डायमंड रिंग शोधताना दिसत आहे.

नेमकं काय घडलं? मोनाली आज सकाळी एअरपोर्टवर होती. कचरा टाकण्यासाठी ती गार्बेज कॅनजवळ गेली असताना चुकून तिची डायमंड रिंग त्याच डब्यात पडली. ही घटना लक्षात येताच मोनालीने स्वतःच हा संपूर्ण प्रसंग व्हिडिओमध्ये कैद केला आणि तो इंस्टाग्रामवर शेअर केला.

व्हिडिओमध्ये मोनाली सांगते की बराच वेळ प्रयत्न केल्यानंतर अखेर तिला आपली रिंग सापडली आणि यासाठी तिला लोकांची मदत घ्यावी लागली. या व्हिडिओवर चाहत्यांनी मजेशीर कमेंट्स करत प्रतिक्रिया दिल्या असून, अनेकांनी तिच्याबद्दल सहानुभूतीही व्यक्त केली आहे. सध्या हा व्हिडिओ सोशल मीडियावर तुफान व्हायरल होत आहे.मोनाली ठाकूर केवळ आपल्या मधुर आवाजासाठीच नाही, तर सौंदर्य आणि जबरदस्त डान्ससाठीही ओळखली जाते. सोशल मीडियावर तिचा मोठा चाहतावर्ग आहे आणि ती नेहमीच आपल्या पोस्ट्समुळे चर्चेत असते.

कोलकाताची रहिवासी असलेली मोनाली ठाकूर 2008 साली प्रदर्शित झालेल्या ‘रेस’ चित्रपटातील गाण्यांपासून तिच्या करिअरची सुरुवात झाली. मात्र 2013 मध्ये रणवीर सिंह अभिनीत ‘लुटेरा’ चित्रपटाने तिला खरी ओळख मिळवून दिली. या चित्रपटातील गाण्यासाठी तिला बेस्ट प्लेबॅक सिंगरचा फिल्मफेअर पुरस्कारही मिळाला. त्यानंतर 2016 मधील ‘दम लगा के हईशा’ चित्रपटातील ‘मोह मोह के धागे’ हे गाणे प्रचंड लोकप्रिय ठरले.

आतापर्यंत मोनालीने 49 हून अधिक चित्रपटांमध्ये गाणी गायली असून, तिचे म्युझिक कॉन्सर्ट्सही सुपरहिट ठरतात. सध्या तिचा हा मजेशीर व्हिडिओ चाहत्यांचे मनोरंजन करत आहे.

दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा

हेही वाचा

‘डकैत’चा टीजर आऊट; मृणाल ठाकूर आणि आदिवी शेषसोबत अनुराग कश्यपचा दमदार अंदाज