२ तास १९ मिनिटांची ती क्राईम थ्रिलर, ज्याचा प्रत्येक सीन अंगावर आणेल शहारे , IMDb ने दिलीय 7.5 रेटिंग – Tezzbuzz

मॉलीवूड सुपरस्टार मामूटी (मामूटी)यांची ‘कलामकावल’ ही फिल्म 5 डिसेंबर 2025 रोजी चित्रपटगृहात प्रदर्शित झाली होती. रिलीज होताच या चित्रपटाला प्रेक्षकांचा भरभरून प्रतिसाद मिळाला. कथेची मांडणी, दमदार नरेशन आणि प्रभावी दिग्दर्शन यामुळे प्रेक्षक प्रचंड खूश झाले होते. जिथिन के. जोश यांनी दिग्दर्शित केलेल्या या चित्रपटाला समीक्षकांकडूनही चांगले रिव्ह्यू मिळाले. भय आणि रहस्याने भरलेल्या कथानकासह ममूटी यांच्या गूढ भूमिकेचे विशेष कौतुक करण्यात आले.

२ तास १९ मिनिटांच्या या क्राइम थ्रिलर चित्रपटाने बॉक्स ऑफिसवर बजेटपेक्षा कितीतरी पटीने जास्त कमाई करत जगभरात सुमारे ८३ कोटी रुपयांचा गल्ला जमवला.आता ‘कलामकावल’ ओटीटीवर रिलीज झाली आहे. जे प्रेक्षक हा चित्रपट सिनेमागृहात पाहू शकले नव्हते, त्यांच्यासाठी आता ही धांसू क्राइम थ्रिलर पाहण्याची संधी आहे. हा चित्रपट सोनी लिव्हवर उपलब्ध असून, ४० दिवसांच्या थिएटर रननंतर १६ जानेवारी २०२६ रोजी स्ट्रीमिंगसाठी आला आहे.

‘कलामकावल’ची कथा जयकृष्णन नावाच्या केरळ पोलिसांच्या स्पेशल ब्रांच अधिकाऱ्याभोवती फिरते. एका तरुण मुलीच्या बेपत्ता होण्याच्या प्रकरणापासून सुरू झालेली चौकशी सुरुवातीला साधी वाटते, पण हळूहळू ती गुंतागुंतीच्या रहस्यात बदलते. त्यातच तमिळनाडू क्राइम ब्रांचचे अधिकारी स्टॅनली दास या तपासात सामील होतात आणि प्रकरण अधिकच गंभीर बनते. या साऱ्या घटनांच्या मागील सत्य शोधताना कथेत तणाव निर्माण होतो. ममूटी यांनी SI स्टॅनली दास ही भूमिका साकारली असून, कथेत एका धोकादायक सीरियल किलरचा थरार उलगडत जातो.

या चित्रपटात विनायकन यांनी केरळ पोलिसांच्या स्पेशल ब्रांचमधील SI जयकृष्णनची भूमिका साकारली आहे. गिबिन गोपीनाथ आनंद, गायत्री अरुण शायनी, तर राजीशा विजयन दिव्या यांच्या भूमिकेत दिसतात.
याशिवाय श्रुती रामचंद्र (दीपा), अझीज नेदुमंगड (SI बाबू विजयन), कुंचन (मॅथ्यू), बीजू पप्पन (SP थॉमस) यांच्या महत्त्वाच्या भूमिका आहेत. अभिनेत्री मालविका मोहनन हिने श्रुती ही भूमिका साकारली आहे.

चित्रपटाच्या पार्श्वसंगीत आणि गाण्यांची जबाबदारी मुजीब मजीद यांनी सांभाळली आहे. दमदार बीजीएम आणि गाण्यांमुळे सोशल मीडियावर रील्सही मोठ्या प्रमाणात व्हायरल झाल्या. प्रभावी कथा, जबरदस्त अभिनय आणि संगीतामुळे ‘कलामकावल’ ओटीटीवरही तितकीच लोकप्रिय ठरेल, अशी अपेक्षा व्यक्त केली जात आहे.

ममूटी यांची ही क्राइम थ्रिलर फिल्म जगभरात सुमारे ८२.०२ कोटी रुपयांची कमाई करत बॉक्स ऑफिसवर आपला प्रवास पूर्ण झाला. ‘भीष्म पर्वम’नंतर ही ममूटी यांची दुसरी सर्वाधिक कमाई करणारी फिल्म ठरली. भारतात सुमारे ३७.१ कोटी, तर परदेशात ३८.२५ कोटी रुपयांची कमाई करत २९ कोटींच्या बजेटवर ‘प्लस’ वर्डिक्ट मिळवण्यात चित्रपट यशस्वी ठरला, जरी तो १०० कोटींचा टप्पा पार करू शकला नसला तरी.

दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा

हेही वाचा

बॉलिवूडचा तो हिरो ज्याने दोन स्टारकिड्ससोबत केला होता डेब्यू, बायकोही आहे बॉलिवूड स्टार, ओळखलंत का?