धुरंधर’ची नायिका 3 वर्षांपूर्वी बालकलाकार होती; संजय दत्तसोबतच्या चित्रपटाने मिळवली ओळख – Tezzbuzz

डिसेंबरमध्ये प्रदर्शित झालेला रणवीर सिंगचा ‘धुरंधर’ चित्रपट बॉक्स ऑफिसवर प्रचंड यश मिळवत आहे. सलग 12 दिवस थिएटरमध्ये हाऊसफुल्ल ठरलेल्या या चित्रपटाने आतापर्यंत तब्बल 411 कोटी रुपयांची कमाई केली आहे. कथा, दिग्दर्शन आणि कलाकारांच्या अभिनयामुळे ‘धुरंधर’ अजूनही प्रेक्षकांची मने जिंकत आहे.

चित्रपटाच्या स्टारकास्टवर सर्वत्र कौतुकाचा वर्षाव होत असतानाच, मुख्य अभिनेत्री सारा अर्जुन हिच्या अभिनयाची विशेष चर्चा होत आहे. रणवीर सिंगसोबत तिची केमिस्ट्री आणि सौंदर्य मोठ्या पडद्यावर प्रेक्षकांना भावले असून लाखो चाहते तिच्या प्रेमात पडले आहेत. मात्र, अनेकांना हे आठवून आश्चर्य वाटत आहे की अवघ्या तीन वर्षांपूर्वी सारा पूर्णपणे बालकलाकाराच्या रूपात दिसत होती.

तीन वर्षांपूर्वी प्रदर्शित झालेल्या ‘तुलसीदास ज्युनियर’ या चित्रपटात सारा अर्जुनने (Sara Arjun)संजय दत्तसोबत स्क्रीन शेअर केली होती. हा चित्रपटही सुपरहिट ठरला होता आणि आजही नेटफ्लिक्सवर उपलब्ध असून उत्कृष्ट रेटिंग मिळवत आहे.

या चित्रपटात संजय दत्तने एका राष्ट्रीय स्नूकर खेळाडूची भूमिका साकारली होती. दिग्दर्शक मृदुल तुलसीदास यांनी स्वतःच्या बालपणीच्या अनुभवांवर आधारित ही भावनिक कथा लिहून दिग्दर्शित केली होती. चित्रपटात संजय दत्तसोबत राजीव कपूर, दिलीप ताहिल यांसारखे कलाकार दिसले, तर वरुण बुधदेव मुख्य भूमिकेत झळकला आणि त्याला मोठी दाद मिळाली.

‘तुलसीदास ज्युनियर’मध्ये सारा अर्जुनची भूमिका लहान असली तरी ती अत्यंत प्रभावी होती. ती एका गोंडस, शाळकरी मुलीच्या भूमिकेत दिसली होती, जी कथानायकाच्या प्रेमात असते. त्या वेळी तिचा लूक पूर्णपणे बालिश होता आणि प्रेक्षकांना ती खूपच आवडली होती.

चित्रपटाची कथा मिडी नावाच्या मुलाभोवती फिरते. मिडीचे वडील एक गुणी स्नूकर खेळाडू असतात, मात्र दारूच्या व्यसनामुळे ते वारंवार अपयशी ठरतात. वडिलांचे स्वप्न पूर्ण करण्यासाठी मिडी स्वतः स्नूकर शिकण्याचा निर्णय घेतो आणि ‘तुलसीदास ज्युनियर’ या नावाने स्पर्धेत उतरतो. पुढे राष्ट्रीय स्तरावरील खेळाडूकडून (संजय दत्त) प्रशिक्षण घेऊन तो यश मिळवतो. ही कथा अत्यंत भावनिक असून IMDb वर चित्रपटाला 7.5 रेटिंग मिळाले आहे.

बालकलाकार म्हणून ओळख मिळवणारी सारा अर्जुन आता ‘धुरंधर’मधील तिच्या प्रगल्भ अभिनयामुळे चर्चेत असून, तिचा हा बदल प्रेक्षकांसाठीही थक्क करणारा ठरत आहे.

दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा

हेही वाचा

यमला पगला दीवाना’ पुन्हा थिएटरमध्ये; री-रिलीजमधून धर्मेंद्र यांना भावनिक श्रद्धांजली