करण औजला हा एक पंजाबी गायक आहे. तर त्याने पी-पॉप कल्चर इंडिया टूरची सुरुवात केली आहे. २८ फेब्रुवारी रोजी दिल्लीच्या जवाहरलाल नेहरू स्टेडियममध्ये दमदार सादरीकरण केले. हा गायक सध्या इंडिया टूरच्या लेगसाठी मुंबईत आहे. एक खास कॉन्सर्ट 3 मार्च रोजी होळी निमित्ताने मुंबई आणि पुण्यातही सादर करणार आहे. तर तो सध्या मुंबईमध्ये आहे. आणि मुंबईच्या रस्त्यांवर एका ऑटो राईड दरम्यान, पोलिसांनी त्याच्या ऑटोला थांबवले आणि हा क्षण आता सर्वांचे लक्ष वेधून घेत आहे.
ब्रिटिश-शीख चित्रपट निर्माते संवीर सिंग यांनी त्यांच्या इंस्टाग्राम हँडलवर एक व्हिडिओ शेअर केला आहे, ज्यामध्ये पोलिसांनी करण ज्या ऑटोमध्ये प्रवास करत होता तो ऑटो थांबवल्यानंतर औजला एका ऑटो चालकाला १७,००० रुपयांचा दंड भरण्याची ऑफर देत असल्याचे दिसत आहे. त्या क्षणी गायकाने त्याच्या टीम सदस्यांना दंड भरण्यास सांगितले. नंतर, दुसऱ्या ऑटो चालकाने करणकडे जाऊन त्याचा दंड भरण्यास मदत मागितली. विनंती केल्यानंतर, गायकाने ५,००० रुपयांचे पैसे देण्यास होकार दिला, ज्यामुळे चालकाला आनंद झाला. औजला असे ही म्हणले “हे लोक मला आवडतात, आम्ही इथे सर्वांचा दंड भरत आहोत.
नंतर दुसऱ्या ड्रायव्हरने करणचे आभार मानले आणि त्याला मिठी मारली. गायकाने विनोदाने ऑटो ड्रायव्हरला पुन्हा दंड होऊ नये असा सल्ला दिला, दरम्यान, करणला (Karan)पाहिलेले चाहते त्याच्याभोवती जमले आणि फोटो काढले, ज्यामुळे तो क्षण आणखी संस्मरणीय झाला. औजलाच्या भारत दौऱ्याचा टप्पा अहमदाबाद 7 मार्च, चंदीगड 14 मार्च, इंदूर 21 मार्च, आणि बेंगळुरू 29 मार्च येथे सादरीकरणांसह सुरू राहील. एप्रिलमध्ये, तो कोलकाता 3 एप्रिल, जयपूर 5 एप्रिल, लखनौ 10 एप्रिल आणि लुधियाना 12 एप्रिल येथे सादरीकरण करणार आहे.
Comments are closed.